伊索寓言·徒劳的寒鸦（粤语版）

作者：伊索

翻译：常ならむ

徒劳嘅寒鸦

    宙斯想要为鸟类树立一个王，指定一个日期，要求众鸟全部都按时出席，以便选佢地之中最美丽嘅为王。众鸟都走去河中梳洗打扮。寒鸦知到自己冇一处靓，就来到河边，执起众鸟脱落嘅羽毛，非常细心噉全部插喺自己身上，再用胶粘住。指定嘅日期到咗，所有嘅鸟都一齐来到宙斯面前。宙斯一眼就睇见花花禄禄嘅寒鸦，喺众鸟之中显得格外靓，准备立佢为王。众鸟十分气愤，纷纷从寒鸦身上掹落本来属于自己嘅羽毛。于是，寒鸦身上美丽嘅羽毛一下子全冇晒，又变成一只丑陋嘅寒鸦喇。

    呢个故事系讲，借助人地嘅嘢可以得到靓嘅假象，但箇个本来毋属于自己嘅嘢被剥夺时，就会原形毕露。