余子明拍ViuTV新劇《940920》 對舊東家TVB無晒感覺：改成點都唔關我事

77歲余子明上年因不滿TVB要他簽一年一騷，決定離開前後效力了33年的無綫，當大家以為子明哥退休的時候，前日(30日)導演羅嘉駿在IG上載了新劇《940920》拜神儀式的照片，相中除了男女主角劉俊謙、蔡思韵、谷祖琳外，還有余子明，雖然子明哥已經77歲，但相中見到他依然精神奕奕，更留了鬍鬚，應該是新劇的造型。

對於離開TVB後，轉拍ViuTV劇集，余子明表現得相當興奮，接受電話訪問時，中氣十足，聲線雄亮，他說：「(點解今次同ViuTV合作?)咁無綫唔要我嘛，老呀、冇用嘛.哈哈.....(幫ViuTV拍劇感覺點呢?)幾好呀，佢哋同tvb拍嘢唔同嘅，佢哋唔會令我哋好辛苦，講真，我哋撈呢行撈咁耐喇，TVB嗰啲就辛苦喇，我哋年紀而家大，我唔驚拍得密、但驚體力支持唔到，以前成日叫我拍到三更半夜，我頂唔順，佢哋呢套劇就好少拍到三更半夜。」雖然子明哥表示拍《940920》不辛苦，但早前亦曬傷了頭皮，他說：「早兩星期天口好慶呀，曬到我頭頂..嘩...返嚟沖涼、花灑啲水灑落嚟哩..痛到...嘩不得了，不過係開心嘅。」

《940920》為ViuTV劇集《二月廿九》的續作，題材科幻消腦，非一般電視劇集，就連拍了三十多年電視的余子明都感受到，他說：「咁佢哋係唔同嘅，TVB老實講啦，而家都無乜好嘅劇架喇，乜都唔同哂，唔會好以前咁巴閉....同埋TVB俾我條件唔係幾好，個仔叫我唔好簽喇，咁辛苦做乜啫?嗰仔咁講咪唔簽囉，拍VIUTV好開心，做嘢就梗係開心㗎啦，價錢?OK啦，大家都係搵食啫，今次合作呢班後生仔好好嘅，工作態度好好、準時、肯做。」

子明叔早前為ViuTV拍攝新劇《940920》，與《二月廿九》班底劉俊謙、吳海昕等開工，他指今次是ViuTV主動聯絡他合作，中氣十足的子明叔透過錄音回覆時稱：「橫掂我都得閒，有嘢咪拍囉」，子明叔又指為ViuTV拍劇比之前舒服得多，「良心講，真係好舒服，工作人員都好尊重我，子明哥前，子明叔前，真係好好。」

近年TVB連番改革，高層不斷變動，對於效力數十年的舊東家，子明叔表示：「佢改成點都唔關我事，我走個陣佢哋都冇咩，淨係叫我拎返locker嘅嘢，我畀返鎖匙佢就走喇。」差不多半生付出，卻換來如此對待，但子明叔相當看得開：「無話開唔開心，依家年紀大，我喺無綫做咗幾十年，年紀大捱唔到咁多夜班，亦都無話可唔可惜。」