零食夢工場2.0第二季第一集（粵語臺詞）
喺今集嘅零食夢工場
我哋會一齊去睇戲
有令人精神爲之一振嘅糖果條
一啖一粒嘅朱古力曲奇粒
同zam6味好似香甜軟糖
如果冇咗呢啲咁好味嘅零食
睇戲嗰陣就會失色不少
細個嗰陣
我最鍾意嘅
就係喺媽眯整好朱古力碎曲奇之後
舐嗰一筆刮刀
後來畀我發現到呢一啲
呢啲外層係朱古力嘅曲奇麵糰零食
叫做朱古力曲奇粒
喺戲院，幾乎同爆谷一樣咁受歡迎
我細個好鍾意食呢樣嘢
媽眯會喺屋企整曲奇麵糰同焗曲奇
我連只碗舐乾淨
史葛大個之後成立咗自然味道
為地區戲院生產零食
後來佢靈機一觸
1997年我哋決定推出曲奇麵糰零食
因爲市面上冇同類嘅產品
而戲院係推出呢種零食嘅一個理想地方
要整呢啲外層係朱古力嘅零食
要由中間嘅曲奇麵糰入手
材料同史葛媽眯以前用嘅大同小異
首先，將麵粉倒入巨型攪拌鍋
然後加入糖、雲呢拿調味劑
當然，唔少得大量朱古力碎
份量同你喺屋企參考食譜自己整朱古力碎曲奇
其實冇咩嘢太大嘅分別
即係我哋每次都大量生產
有陣時，每一批達到2000磅
材料大約要攪拌20分鐘
跟住就運到去一部名符其實嘅機器
切塊機
佢嘅旋轉臂會刮出細細塊嘅麵糰
呢啲麵糰會沿住輸送帶，去到漏斗
但係五磅重嘅麵糰點樣變成一啖一粒嘅大細
呢個步驟就要靠擠壓機
喺擠壓機嘅盡頭
有旋轉切輪負責將曲奇麵糰切粒
其實就好似製麵條機噉
用模板將麵糰壓出嚟
模板嘅造型可以切割出大細一樣嘅顆粒
所以全部都係小顆粒嘅形狀
要記住一樣嘢
呢個階段嘅小顆粒已經食得㗎喇
但係仲有其他步驟
呢啲小顆粒會向住曲奇麵糰瀑布推進
目的地係降溫隧道
會噴出氮氣
令溫度降到去零下40度，甚至係零下50度
凍冰冰㗎
離開隧道之後
凍冰冰嘅零食會跌落一個滾筒嗰度
不停噉翻滾，確保降溫之後唔會黐住
亦都確保佢哋準備好迎接下個步驟
就好似嫌曲奇麵糰唔夠好味
佢哋將會添上朱古力外層
呢個巨缸入面足足有6萬磅嘅牛奶朱古力
機器不停噉攪拌朱古力同加熱到華氏120度
令佢又濃又幼滑
呢一大缸朱古力
即將同過百萬粒曲奇麵糰融為一體
首先，經過管道將朱古力泵去塗層室
呢啲好似水泥攪拌機嘅旋轉鍋
注滿嗮曲奇麵糰粒
跟住，會將朱古力噴到去顆粒上面
講真喇，有咩嘢正得過係噉噴朱古力吖
不過唔係表面睇咁簡單
處理朱古力，溫度掌握好重要
太熱，朱古力會流走
太凍嘅就jam3得唔夠均勻
我哋會儘量控制溫度同濕度
做法係透過由凍啲嘅嗰一面直接吹入鍋入面
呢個步驟大約需要45分鐘
直到達至適當大細同重量
而朱古力塗層同曲奇麵糰嘅重量比例
大約係各佔一半
粗略噉講
唔好唔記得中間仲kau1咗啲朱古力碎
唔算太脆，但係唔會太硬
好似準備好可以包裝囉噃
但係其實仲爭一個步驟
我哋仲要倒落去上光鍋
加翻層糖衣，令朱古力曲奇粒望落去充滿光澤
而家只係剩翻包裝同出貨
呢個步驟會喺包裝室進行
跟住會被倒入漏斗
然後經過一架升降機運到去上面
度下幾重
再跌落去個桶仔度
以便控制每包朱古力曲奇粒嘅重量
然後會用玻璃紙包住
呢個裝置可以鉗實同打開個盒
跟住放入朱古力曲奇粒
運到去世界各地嘅戲院
講真㗎係世界各地吖
全球嘅人都享用到朱古力曲奇粒
當然，唔一定要睇戲先食得
喺屋企食都會係咁好味
史葛有個秘訣
可以令朱古力曲奇粒嘅好味程度發揮到極點
我哋有好多顧客都鍾意雪凍佢哋嚟食嘅
噉真係好正
我哋去戲院嘅小食部通常都會買啲甜嘅零食
但係呢款熱門零食會令你皺嗮眉頭
呢款零食令到觀衆laa2埋口面20幾年
美國甘草糖公司自1914年
就生產甜味糖果
但係到咗1990年
佢哋決定個為條型嘅糖加入新口味：酸味
酸味條誕生，仲即刻成為暢銷糖果
啲細路好興奮
佢哋會話：天吖，真係好興奮
因爲我想食酸味條
酸味條嘅誕生同其他糖果大同小異
將幾種簡單材料
包括糖、麵粉、粟米糖漿同水
倒嗮入大鍋攪勻
麵粉會經筒倉泵入個鍋
跟住就再落糖
兩樣嘅份量都幾多
每個鍋入面嘅材料大約重1500磅
當啲材料攪拌好之後
就要落調味劑喇
酸味條有好多種唔同顏色嘅口味
當中包括彩虹味
酸味條有藍味、士多啤梨、蘋果同檸檬味
咪住，佢話藍味？
藍色都係一種味？我知道喎
就係用呢種超濃縮嘅藍色樹莓調味劑整出嚟
將濃縮調味劑同其他材料喺個鍋度攪勻
跟住加熱到170度
然後就將混合物泵入煮鍋
開始除去過多嘅水分
再用呢個真空嘅加料斗箱
進一步抽乾水分
唔抽走過多嘅水分
就唔可以上輸送帶
同進入降溫隧道
會搞到周圍都係
咁大劑？
跟住將佢由斗箱泵去擠壓機
而家會開始呈現條狀
不過都仲係好熱
所以要入另外一條降溫隧道再降溫
呢條長40尺
成個巨型冰櫃噉，大約係華氏65度
噉會令酸味條有粘又git6
進一步凝固，變得更加乾薪
呢啲藍色長條好似識得喇喎
但係其實仲未加入酸味
所以，要經過一部蒸汽機
加翻喺風乾
同降溫步驟失去嘅部分粘性
嗰陣粘度唔夠酸味劑黐唔到上去
所以要加多啲粘性
冇錯，要加返多啲粘性
跟住就去到糖砂機
喺度糖條會噴上令人面容扭曲嘅酸味劑
塗層主要係由檸檬酸同糖所組成
淨係睇到已經令到我流嗮口水
然後糖果條會經過一部將10條分成一組
同埋會切成適當長度嘅機器
一落刀，糖條就被切成7寸半長
切好之後就會全速前進
一組組嘅酸味條被分成四條隊
分成四條隊之後，就會去到另一條輸送帶
再傳送到我哋所謂嘅四條特快通道
每條特快通道上面都裝咗感應器
決定每組酸味條嘅位置
以便喺通道旁邊放上膠盤
輸送帶變窄，酸味條就會跌入膠盤
如果高速公路嘅交通都有咁暢順噉就好囉
但係呢個步驟唔係完全自動化
每包都要經過人手檢查先至會密封運走
係融入人手觸感嘅自動化操作
要檢查嘅係長度啱唔啱
顏色啱唔啱
同有冇足夠嘅酸味劑
一分鐘可以完成125到130包
加埋就係好多好多嘅酸味條喇
一個月大概生產450萬盤
如果將舊年生產嘅酸味條綁起嚟
再環繞地球
足足可以環繞地球3周
噉肯定令世界變得又甜又美好
柔軟、咸香又煙韌
jam5埋好味嘅芥末醬
淨係聞到呢款扭紋零食zam6味
就帶我返到去戲院喇
如果係聖迭戈椒鹽餅公司嘅
珍寶雙重扭紋香軟椒鹽餅
仲可以一直食到最後一幕追逐戲添吖
創辦人夏理斯高頓
係個高級美食廚師
佢個熱誠係來自椒鹽餅
我愛椒鹽餅
我喺紐約市長大
成日食椒鹽餅
值情入嗮血
呢份愛熱切到
令佢創立咗聖迭戈椒鹽餅公司
爲全美國嘅戲院整椒鹽餅
招牌產品係雙重椒鹽餅
材料好簡單
要用麵粉、酵母同鹽
即係酸麵糰
呢樣係整椒鹽餅嘅關鍵之一
但係要做出好嘅酸麵糰其實好講究
所以下一種材料都好重要：冰水
理由好簡單
暖水會激活酸麵糰嘅酵母
令麵糰發起得太快
加入冰水之後
用巨型調混機攪拌240重嘅麵糰
12至15分鐘
要攪拌就要有適當嘅拉扯性同有彈性嘅好麵糰
感覺好似絲絨噉
絲絨好貼切，啲麵糰真係好幼滑
好似絲絨嘅麵糰被送到去分切機
然後就會切割性適合椒鹽餅㗎大細
跟住就會運去滾軋機
大部分嘅工序都係由機器負責
但係整出椒鹽餅嘅魔法就快出現
就喺扭製台上面
好美嘅椒鹽餅一定係用人手整嘅
整椒鹽餅係一門藝術
要有一定速度
賣相要靚，扭到好睇嘅形狀
但係又唔可以扭得太多
珍寶雙重扭紋椒鹽餅
特別難扭，因爲唔係用一條
而係用兩條椒鹽餅麵糰
nik1起麵糰，轉動一邊
等佢自轉，然後放喺台上面鎖定形狀
噉中間就會出現扭紋
聽就容易，真係好犀利
當整夠一定數量嘅椒鹽餅
就會移去發酵室
好似畀椒鹽餅麵糰用嘅小蒸汽室噉
發酵室會同時發放蒸汽同熱力
熱力係爲咗令椒鹽餅發酵
而蒸汽就係避免椒鹽餅變乾
放幾耐係憑感覺，而唔係幾時器
師傅會判斷睇下啲椒鹽餅幾時發酵好
要親眼睇到然後話“完美”先得，係
呢種完美嘅椒鹽餅要落冷藏庫渡過一晚
令佢停止發起，同令到味道散發出嚟
跟住就到最後一個特別步驟
椒鹽餅離開冷藏庫之後，就要進行一個機密步驟
我話係機密步驟因爲真係我哋經過多年研發出嚟嘅
所以唔會畀你睇
雖然我哋唔知道呢個機密步驟係乜嘢
但係就知道咩嘢效果
就係令椒鹽餅焗好之後更加金黃亮澤
要入焗爐喇，不過唔使焗太耐
7至8分鐘就得㗎喇
同整完美椒鹽餅嘅每個步驟一樣
烤焗係一門藝術，而唔係科學
要焗到我哋覺得“得喇”
焗好嘅椒鹽餅新鮮熱辣，應該食得喇
原來仲未得
椒鹽餅要攤凍大約10分鐘
跟住進行急凍
噉包裝嗰陣就唔會黐埋一齊
我哋嘅冷藏庫好犀利
只要半個鐘頭椒鹽餅就變得又凍又硬
跟住一盤盤嘅冷藏椒鹽餅
會用人手入箱，每箱28個
最後，放埋半磅重嘅椒鹽餅鹽入箱
翻熱嗰陣加落啲餅度
啲椒鹽餅鹽好輕，就好似爆開咗嘅鹽粒噉
跟住就可以運去戲院
佢哋唔算係水果軟糖
又唔算係透明軟糖
色彩繽紛又有水果味
而且自從杜魯門入主白宮就成爲美國人
睇戲嘅熱門零食
多杜糖
由荷里活嘅黃金年代開始就進駐戲院
1945年，布魯克林嘅萬森糖果公司
率先推出呢啲細細粒嘅糖果
多杜糖喺1972年加入杜絲公司旗下
佢喺軟糖界好獨特
你可以含喺口入眠等佢融
又或者慢慢嚼
到底多杜糖同其他軟糖有咩唔同
就係用嘅主要材料
多杜糖用澱粉製成
而大部分軟糖就用明膠
澱粉kau1埋糖、水同粟米糖漿
喺呢啲大鍋入面攪均
跟住慢煮大約個半鐘
如果加熱得太快
就會變得太git6或者太粘
冇辦法完成剩低嘅烹煮過程
煮好之後，混合物就會被分成五鍋
每鍋一種味：車厘子、青檸
橙、士多啤梨同檸檬
每種味所含嘅酸劑份量都唔同
而重要材料就會分別倒入每一個鍋
將所有材料撈均之後就到我最鍾意個部分
多杜糖嚟喇
注模機出場喇
喺注模機嘅頂部有6個容器
唔同味道嘅混合物
會注滿模板
模板係澱粉模
有好幾百個細多杜糖型嘅模
每盤大約有1000粒多杜糖
注模機每分鐘大約可以填滿30盤
等我計下先
一日可以整到超過2300萬粒多杜糖
事實上大約有350英里咁長
呢個時候，多杜糖仲係好粘滑
所以佢哋要將一疊150盤嘅多杜糖
推去固化室喺度擺一晚
呢度又叫做熱室
因爲呢度嘅溫度維持喺華氏180度
固化室嘅作用係去除水分
令糖變得夠硬
方便擰起嚟食
第二朝就推返啲多杜糖出嚟
攤翻開一個個模盤
跟住逐個反轉
多杜糖就跌翻嗮出嚟
然後，一盤盤運到去好似洗車機嗰種高速空氣噴射嘅地方
直接噴出大量空氣去除澱粉
呢個震動嘅篩會篩走更多澱粉
然後多杜糖就會跌落輸送帶
穿過差唔多同足球場咁長嘅降溫隧道
濕度同溫度都有特定要求
我哋嘅目標係糖果進行最後包裝嗰陣
唔會流失或者增加水分
而家無論係味道定賣相都好似多杜糖
但就仲未有多杜糖嘅光澤
所以，仲有一個步驟
佢哋會運返去斜槽，跌入巨型滾筒
會加少少巴西棕櫚臘，增加光澤
終於出嚟喇，可以包裝入盒嘅多杜糖
佢哋沿住高空輸送帶向住包裝室進發
磅完重量之後
多杜糖再以平均噉入盒
既平均又較快
每分鐘會過磅同填裝240盒多杜糖
啲盒會送到去你附近嘅戲院
好易分享
摸黑都好易打開，好容易倒到出嚟
邊睇戲邊食糖真係好正
今輯節目肯定肥死阿爾放索喇
我冇諗過有人會遞嘢畀我
我唔慣聽到你哋噉樣講吖
佢可能係道具嚟嘅
又或者係真嘅，邊個咧
