TVB宅男女神入行传足整容10年！终极回应

入行已有10年的32岁简淑儿（Jessica），因一对腰果眼和甜美的笑容，而被网民封为宅男女神，但一直以来她都备受整容传闻困扰，日前她接受由林柏希主持的网上节目《月倾会》访问，就对这个话题作出了终极回应，又讲到自己参选港姐时的一张相片经常都被传媒翻炒，她好嬲又好笑地指连她阿妈看到这张相时，都认不出她来！

简淑儿：由我一入行讲到依家

 简淑儿自2012年参加香港小姐落选后入行，至今已有10年，讲到传足咁多年的整容话题，简淑儿冇咁好气话：「由我一入行到依家，选完（港姐）出嚟就已经咁讲，其实我已经答过无数咁多次，我已经唔想再答喇！如果要继续讲，呢个当然我控制唔到，但系我就选择咗唔会再答呢个问题！」

唔开心10年前旧照经常被翻炒

简淑儿又讲到在无线10年最不开心的事，原来系因为一张相而起，她好嬲又好笑地说：「依家每一次睇关于我嘅报道，都会有一张好核突嘅相喺隔离，哈哈哈！我妈咪话有一次睇报纸，见到我张相隔篱有个女人，佢唔认得嗰个系我啰！」

最开心识到陈婉衡

 至于在无线10年最开心的事，简淑儿就话：「最开心就系我识到依家嘅best friend，大家系同一届入选嘅Alycia（陈婉衡）！我谂我呢10年里面，如果冇佢喺身边，日子未必会咁开心啰！」

拒认有钱女：屋企搵几多都唔关我事

除了整容传闻外，简淑儿亦一直被传系有钱女，屋企好富贵，对此简淑儿一直坚持父母只是在美国做珠宝小生意，仲话有钱过佢嘅人大把：「我真系唔系好有钱，屋企人就算搵几多都好，都同你冇乜关连，因为你自己都要有你自己生活，冇理由呢一世都系靠屋企㗎嘛！」
简淑儿的家族珠宝店于09年在香港创建了一个珠宝品牌「Dazzle」，并由她亲自做代言人卖广告。

简淑儿在美国读书时曾被霸凌 

简淑儿仲透露自己当年在美国读书惨被霸 凌，甚至试过被人剪头发及推落楼梯：「我喺香港出世，但系我喺美国大，我啱啱过到去唔识讲英文，所以嗰时成日畀人虾，试过畀 人剪头发呀、推我落楼梯呀，令我性格变到好内向，佢哋（父母）见到就觉得我出嚟做嘢会好蚀底，所以想我去见识下，去参加港姐识多啲嘢，但就冇谂过我会留喺呢行！」

简淑儿离开TVB跳出舒适圈

简淑儿在6月20日出po宣告离开无线，她直言不经不觉已入行10年，因此决心要跳出舒适圈：「10年前嘅我，都系因为跳出咗自己嘅comfort zone，先会入到呢一行; 10年之后，不如再试下跳出comfort zone，睇下会唔会有更多进步！嚟到呢个位，自己好似stuck住咗，所以想跳出去啰！」

自由身唔一定要签公司 

问到离开无线后大计，简淑儿话：「依家自由身，有好多嘢自己想试啰，唔一定要有公司，先有你嘅价值，一个人嘅价值，应该去到边度都有！我依家就好努力去build up自己价值，睇下嚟紧会唔会有唔同project，或者自己试下拍片！」

简淑儿哽咽：我唔肯放弃！ 

简淑儿回想入行初期，有同事曾经同佢讲过一番说话：「佢话呢一行，靓嘅女仔大把，你又冇名衔、又唔系读艺训、又冇读过演艺，你又冇后台，你觉得自己凭咩呢？」 今时今日嘅简淑儿想同对方讲：「我好想可以同番佢讲，我凭咩呢？就系凭我真系好钟意呢一行，同埋我真系唔肯放弃啰！」 讲讲下，简淑儿忍唔住哽咽：「好想话畀大家听，如果你真系好锺意嘅话，你就去做！」 明星同演员，简淑儿想做边样？佢谂都唔使谆：「我想做演员！」

简淑儿进化史 

12年：面型尖咗，个鼻直咗，不过本来轮廓仲喺度，当年仲有少少似张慧仪。

13年：明显下巴更尖，鼻型笔直，对眼都比选港姐时圆咗又深咗。

14年：多咗大眼仔美化对眼，不过明显双眼又大又圆，已见腰果眼初型。

16年：间尺鼻成型、嘴唇突然饱满，角度突登低抄，其实拍埋一齐边个系Baby，边个系简淑儿已经好难分！

17-18年：新一代女神地位奠定，腰果眼笑脸已成招牌，整体样貌都无咩改变，最多都系齐阴发型有时会变吓。

2017年开始，简淑儿个样已再无咩变化。

现在的简淑儿，外貌冇再进化，但身形就不断改善，腹肌。