留意翻，Talking部分如果有咩錯漏，原因可能有：

1、 林伯講嘢太細聲；

2、 梁嬸講嘢太快；

3、 我聾；

4、 我中文唔叻；

5、 我英文唔叻。

祝食用愉快。

SUMMER BLUES Day4~Zodiac Medley~

1：《難道喜歡處女座》（演唱：林家謙）

 

T：

你的指甲 相當潔淨

我很關注 瑣碎事情

以 X 光眼睛 把你靈魂望到

很透明

敏感的我 假裝冷靜

内心充滿 對未來 不確定

是否揀你 三千晚 循環驗証

仍然未決定

 

嫌的比愛的多 推比要的多

孤單一個 是這潔癖惹禍

凝望你離場

讓我很優雅 很優雅的折墮

明知想這麽多 姿勢這麽多

幸福 都分到不多

應該醒了吧

除非有人 煩都不怕我

 

我擔心到 三更半夜

絕色的我 接受臺光照射

缺點可會 遮不了 無權伴我

同遊在舞榭

 

嫌的比愛的多 推比要的多

孤單一個 是這潔癖惹禍

凝望你離場

讓我很優雅 很優雅的折墮

明知想這麽多 姿勢這麽多

幸福 都分到不多

單身一世吧

除非有人 煩都不怕我

 

情願似白羊 似獅子座

無謂纖細又 糾結像我

想找人呵呵

大眾偏說 尋求情人别揀我

（音樂停止）

S：

邊個話要人呵呵話！

邊個要人呵呵啊

頭先聽到有人話要人呵呵喎

處女座真係好麻煩架

但係，我都幾中意嘅，佢啲音樂啊I mean

 

2：《Don’t Text Him(Just Kiss Him)》（演唱：Serrini/林家謙（和音））

 

S：

Where are you?Boy

Where are you……佢喺邊啊？喺邊啊？

（林仔上咗條樓梯）

T：條樓梯唔係你架

S：Hello~

T：Hello~

S：嘩好靚啊……（聽唔清）

T：嘩你今日係……

 

S：

最愛你淺笑的臉

如眉頭和額角也在笑

讓我驚覺有看下去的需要

我卻怕這個需要

嚇怕精緻的你 沉默了

（T：很透明）

嚇得你 不再淺笑 不得了

 

我哪會不顧一切 膽小成問題 太弱了

是妄想 太過到盡處 是寂寥

我最愛感覺飄渺

如無從著地 又太累了

（T：無從著地太累了~）

 

S：快啲落嚟啦我點樣捉你呀？

T：你咪捉唔到我囖

S：咁你捉我啦

S：Come on

T：你今日係……

S：嗯，我係一隻雀仔啊

 

我最怕一再想起 似天空清澈的你

又有哪個可比 悠然自得呼吸吞吐的你

似看破生死 靈魂共振似碰到太驚喜

若你依稀一皺眉 我在半空 降落何地

我最愛一再想起 細聲稱呼我的你

放肆跟我一起 連沉默光陰都可以很美

未當我知己 情願別心急這刻揭穿你

用最安好的距離 未會牽手的距離

凝視近在 前方的你

（outro）

S：家謙~~可摸耳錫啖~

可摸耳錫啖~可摸耳錫啖~可摸耳錫啖~~~woo~~

可摸耳錫啖~可摸耳，錫一啖啦~

可摸耳~haha

T：不可以呀

S：好驚我咩宜家~

 

Just kiss me！

 

【Talking】

 

S：（大笑）你好啊。

T：你好啊，你今日係咩點心啊，特點嚟架喎。

S：啊？我今晚呢，通常啲阿伯去飲茶咪帶住隻雀仔嘅？（笑）（T：你係黑百葉啊，黑百葉）

我就係嗰隻雀仔囖。

S：你先係……err柏葉啊嘛。大家好啊，因為呢我覺得我要自我簡介，因為呢成日assume咗啲人知我係邊個。大家好我姓梁架，我叫做Serrini啊Hello~其實我宜家呢係廁所位嚟，因為之前有啲人見到話……我一出咗嚟就話“邊個係Serrini”喺度Google啦。你（地）可以趁宜家去一去廁所先嘅。因為你啲節目好緊湊啦……做乜嗻你好驚我咩宜家下？（T：做乜手震）因為呢，過去幾日放假啦~咁我就……

T：做曬Spa啦你喺度，容光煥發咁樣。

S：我呢就好努力咁睇咗其他嘉賓嘅演出片段喎，咁我就發覺咗一樣嘢啦，每一個嘉賓出嚟呢，佢就去抱人啦，跟住呢，好開心咁樣，女嘉賓就拖住隻手唱歌啦，男嘉賓呢一係就熱淚盈眶啦，好感動咁啦。

T：咁你係男定女？

S：但係（佢）見到我呢……我覺得真係好委屈囖。我要喊啊。（扮喊）

T：你喊啊。你話今日M到啊嘛下嘛？

S：喂！

T：你話叫我鬧你啊嘛。

S：依啲咁私人嘅野，梗係要拍廣告先講架啦！

T：樹……護樹，哦。

S：唔得，我要講翻一樣嘢先啊，我哋唔可以咁樣放肆架。因為呢，其實我哋唔係好friend架你知唔知啊。

T：係，我知啊。都唔識嘅。

S：因為我發覺一樣嘢呢就係，其實我哋係私底下呢唔會text架啦。我發覺上次有一次完咗場之後呢，我發覺原來我哋對待對方嘅一個態度呢係，相敬如嘉賓啊。咁呢就係，譬如佢完咗show我就會同佢講“Oh~That’s a very genuine performance.Thanks for the energy tonight.Add oil.Good job.”（texting）跟住之後呢佢就會話“People seem to like your performance.Rest well.See you tomorrow.Good show.”

T：哦好好喎，我講咗咁多字。平時都係“Noted”咁就算架喇。多左好多字喇。

S：所以我哋嘅交流呢，係好健康啊。即係互相稱讚。你知香港人，多啲稱讚大家好啊嘛係嘛？

T：我成日@#%都讚你……好靚啊。

S：係咪呀？我哋……其實我今日摞呢條羽毛諗住嚟撩你架。但係你又唔俾我撩喎。

T：日日都俾人撩緊架啦。唔好搞。

S：我都係QWQ……我哋，都係唔好講咁多廢話，因為呢呢個廁所位大家都去完架喇我覺得。

T：係囖。

S：點解你每一日都要搵我過嚟中間做嘉賓嘅，你好中意我啊？

T：下？我見你冇嘢做啊嘛。

S：等佢思考下。

T：唔係，答咗啦？

S：佢嘅偶像，Serrini，啱啱放假，翻黎。

T：我嘅fans club會長啊。

S：佢係我個fans club會長啊。

T：你係我fans club會長啊。你摞翻個牌落去。

S：你係我fans club會長。完全係冇應援架囖我係。後台連嘢食都冇啊。搞到我要自己……

T：啊？你間房係咩房嚟架？我真係要你s……冇嘢。

S：咩話？小心啲講嘢啊你。

T：嗯，你間房……

S：我哋宜家係公眾場合嚟架知唔知啊。

T：你間房都係呀。你冇以為你間房……你唔好以為你間房係你架，你間房係我架。（疊聲）

S：你唔好以為同我喺度FaceTime緊。@%￥&……（疊聲）

S：……我哋，《樹木真美》，唔識唱嘅我哋一齊唱！

 

 

3：《樹木真美》（演唱：Serrini/林家謙（和音））

 

S：

從何時講起？ 那個偏執的我 那樣傻

良朋愛護我 也開解不了 似潛艇的我

常言rumination 要不得 要看開的我

很怪 狂野點火姿態 自我折墮

 

何時哭_左 靠高歌尖叫 calm down我

從無冷靜過 靠揮金 捐錢 有無幫助

曾憤怒放任痛楚 依然覺得很錯

So I paid the therapist 陪我紓解情緒很多課

 

小姐一生幾多風波 幾多荊棘 幾多險阻

風雨裡 勇敢嘅真美 又提升左

真美醒了麼（T：真美醒了麼~）普宇宙試煉我

煩惱不再傷你 愛真美的結果 浪漫更多

 

S：林伯~

T：點啊，梁嬸。

S：（揮羽毛）俾你撩啦。

S：……腳震。

 

CPTSD添加啲OCD 腦海出血 沒有止

誰太需要愛 就通處碰壁 垃圾人 trauma-dy

誰過分要自信 假表情太過刻意

青春故事 無數不堪回顧的不智

 

小姐一生幾多風波 幾多辛酸 幾多淒楚

心裡一切 最悲痛之際 突然清楚

真美醒了麼 許個願接受我

煩惱不再傷你 愛真美的結果

 

呵～

 

愛錯了犯錯

最壞角色 惡意接近我

懼怕的 更壞事情 憤怒事情嫌多

Inner peace is all about what’s inside of you

This real you now is coming through

以後以後 我就盡情 越活越惹禍 是我

 

真妹一生幾多風波 真妹一生不必心多

只要信 啊真美真美 就能經過

想要的太多（T：woo~~~~） 一生霎眼就過

仍要心裡緊記 那真美的最初

還是那個 最趣緻的我

 

T：（望住Mami對鞋）你有必要著咁高咩。

 

【Talking】

 

S：可摸耳錫一啖啊。

T：唔可以。

S：可唔可以抱一抱啊。……唔要啊。

T：唔要。（扮嘔）

S：我想講一樣嘢呢，你知唔知呢我要同你講呢，你係一個好治愈系嘅人啦。

T：（用羽毛撩Mami）你都係吖~望到你就已經，感覺良好。

S：嗯。你睇下佢今晚幾假。你知唔知我有句好深情嘅說話要同你講啊。

T：你千祈唔好。

S：因為呢我發覺所有嘉賓同佢講嘢，佢都好感動啦。但係佢一見到我呢，係完全冇一個……

T：我好感動啊入邊，多謝……

S：我想同佢講句好感動嘅野啊（扮哭腔）~

T：下~？

S：就係呢我有唔開心嘅時候，我就同佢講啦。係因為呢，佢係冇反應架。你明唔明，一個好有情緒化嘅女子喺度“（扭計）@#￥%&……”，跟住佢就：“哦。嗯。你想點啊。（冷漠）”

T：嗯。咁咪好囉，你想要啲反應啊嘛，你想要啲咩？

S：咁係好囖，聆聽啊。我覺得作為一個優秀嘅香港男子，最好其實就係默默聆聽啦，仲要呢……好多嘉賓都話你靚仔咗你知唔知啊？成日都嗌你做……咁所以我哋試下分析……

T：睇下企喺邊個隔離囖。

S：（嬲）

T：企喺你隔離就冇咁靚仔架喇。

S：OK我要呢……

T：辭演啦你又。

S：咩話？

T：辭演啦。

S：咩錢啊。

T：辭演啦。

S：你要俾錢我啊？

T：辭演啊。

S：我聽錯咗啊。我講……現場有冇男士喺度啊？除咗妹妹之外。有男士加嘛係嘛？因為你知你啲fans全部都係女性……好多好年輕嘅女女啦。

T：唔係呀，呢啲，咁多……

S：如果男性呢想靚仔啲好似你咁呢，我諗咗三個方法架。（T：我都諗到，不過唔好講）第一個呢，就好似佢呢，你睇下佢個頭，你只要將個頭摷松少少呢……見唔見到啊。跟住個後尾枕咁樣翹起幾正太咁樣feel……依個第一個啦。第二個呢，係喺裡邊發出嚟架，就係真正咁樣聆聽你嘅心情需要，就算佢唔care都好。佢只要：“哦。嗯。啊咁啊。哦~”……喂！好驚！（林仔繞到Mami背後）

T：做咩呀，驚唔見左我啊？

S：唔係呀……???

T：（偷笑）

S：第三點呢，就大家自己參透下喇。咁不如，你都係，搵咗我返嚟咁耐，我覺得見得有啲太多了係咪呀。

T：係啊。太長期了。（奸笑）

S：……

S：咁我地不如繞場一周啦。繞唔繞啊？（觀眾：繞！）繞唔繞啊？《長期浪漫》~

 

4：《長期浪漫》（演唱：Serrini/林家謙）

 

（intro）

S：我哋……拖手囉！

T：隔住呢支嘢（羽毛）。

S：好啊好啊。

 

S：Hello~……（kick親）

T：做咩

 

S：

講清楚 先可以再見

繼續約會 錯亂結局 太急著浮現

驚險（S：不如你幫我挽裙吖） 喂 你知唔知我係咩人先？

（T：唔係好人）

可不可 先不要中箭

跌落禁地 怪就怪在 我走在前面

繼續放任 我的天 （hey）

合：

長期 防範 未脫險

講出去 講到我奔波的那天

就怕浪漫變期待 換你三個字

是你 是我 路過 沿路多驚險

 

S：

愛するより 愛されたい

本音を聞かせて ちょっとだけちょうだい

 

合：

長期 防範 沒有終點

（Mami偷偷吹耳仔）

忍不到 等到 我出手的那天

若太浪漫你逃避 要跑掉（T：唔好過嚟啊）

剩我（T：不要） 獨個（T：不好） 獨個 （跑唔到啊）

 

但我 無視 扮到 不經意

等幾次 等到你想通的那天

用最大耐性期待 你再出現

盪失到最後才能明白愛

陪我新開始 （T：陪我新開始~）

（outro）

S：你好驚我咩宜家？你好似好驚我咁喎。唔緊要啦~你都係要人陪下架。就算處女座（聽唔清）……

T：唔好再扯我（件衫）……

S：就算你話唔想俾人見到咁多自己，但係你頭先咪一樣跳好多熱身舞。可唔可以睇下呀？睇多一次吖~睇下放假有冇練大隻。

T：走啦……

 

（兩人從樓梯離場）