陈山聪扮女人「冲击视后」！盘点17位TVB位男星反串扮相

2022-06-29 11:00 作者:港剧TV 0人读过 | 我要投稿

《十八年后的终极告白2.0》结局周忽然爆出陈山聪原来有扮女人嗜好，有不少网民觉得佢撞样姚嘉妮。其实TVB久唔久就会再玩反串扮女人呢条桥，正所谓：「桥唔怕旧最紧要受。」除咗陈山聪，近期啲有《爱回家》中的周嘉洛、《反黑路人甲》的张振朗等等，不过要数最经典，一定系曾经重播3次，由罗嘉良做主角的《先生贵性》！咁多年嚟都有不少TVB男星反串扮女人，即刻重温各个经典造型啦！

1.陈山聪《十八年后的终极告白2.0》姚嘉妮质问「做乜扮我」

陈山聪在《十八年后的终极告白2.0》中饰演有易服癖兼心理变态的方志浩，剧中曾以女性打扮连杀谭凯琪、赵希洛、何启南等人。虽然这身打扮冲观众眼球，不过亦有网民赞佢做得好，留言：「唔知点解见到陈山聪扮女人唔想打佢，仲觉得佢几有味道，下次可以考虑开套陈山聪扮女人嘅剧㖞！」亦有网民觉得佢撞样姚嘉妮，姚嘉妮都转贴咗相关报导，仲质问陈山聪「做乜扮我」。。

陈山聪于剧中有因为童年睇咗套戏爱上男扮女，否认系变态，但系就变成连环杀手杀咗7个人。（图片来源：《十八年后的终极告白2.0》截图）

陈山聪自己在IG分享，表示出浴戏系「人生最难演的一场」⋯⋯

难得陈山聪的造型并无惹来很多反感，有网友更建议他担正做《先生贵性2.0》，观众甚至支持开剧畀陈山聪做女主角？！

有网民觉得陈山聪扮女人撞样姚嘉妮，姚嘉妮都转贴咗相关报导，仲有质问陈山聪「做乜扮我」。

2.周嘉洛《爱回家》「岛大女神」捉色狼医生

周嘉洛在《爱回家》中饰演「废青安」，剧中唔止一次扮女人，更有「岛大女神」的称号。剧中讲佢曾为咗帮林凯恩、叶蒨文捉拿咸湿医生扮女人，又试过为咗帮手电影学会拍《我可能真的爱你》做女主角，都好杀食㗎！

3.陈展鹏《铁拳英雄》变人妖跳艳舞

陈展鹏在《铁拳英雄》中为了帮唐诗咏江湖救急扮女人跳艳舞。

4.张振朗《反黑路人甲》变学生妹+俏护士

张振朗在《反黑路人甲》中扮女人，仲要做纯情学生妹！

5. 罗嘉良《先生贵性》

戚其义监制的《先生贵性》三度重播，1999年罗嘉良喺《先生贵性》反串扮女人化名Diana，本来系粗鲁围村佬，却被陈慧珊上身，分成不同阶段扮女人，当年网民觉得女性化嘅佢依然不失豪迈感觉，真呢个look都真系经典呀！原来《先生贵性》系由《天与地》监制戚其义操刀，剧集已是1999年作品，睇见罗嘉良扮陈慧珊真系好多观众嘅同年回忆。

6. 张彦博同宋智孝撞脸

张彦博凭《跳跃生命线》中「雄姐」一角而大受观众欢迎，早前就上载自己扮女仔嘅相同片，结果就被网民指佢同韩星宋智孝有几分相似！

之前《降魔的2.0》开拍，有份参演嘅张彦博更再次男扮女妆上阵，并留言：「豁出去了，抱歉…让大家难受」，其实眼大大嘅佢扮女人都几靓，所以相信应该冇咩人会觉得难受嘅！

7. 袁伟豪《三个女人一个「因」》

有集剧情就讲袁伟豪（Benjamin）要扮女人去做人格分裂角色。见Benjamin化晒妆娇美嘅样好似「几养眼」，但亦有网民话：「OMG !! no eye see 」、「我的天啊!受不了!」。

8. 胡鸿钧重口味阔少

《夸世代》中，胡鸿钧饰演一名赌场大少潘荣亨，表面谦谦君子，实为热爱玩重口味SM，不过见到佢反串都已经够晒重口味啦～

9. 陈键锋 @王老虎抢亲

近北上发展嘅陈键锋以前喺TVB剧集《王老虎抢亲》为咗亲近胡定欣，所以男扮女装。当时，网民就话佢睇起嚟非常娇俏，仲有网民话佢靓过胡定欣，所以叫佢做美人！

眼大大，面同嘴细细嘅陈键锋扮起女人上嚟都真系几靓嘅，同唔少女艺人都一样咁靓呀！

10. 黄宗泽扮到上晒瘾

Bosco曾经喺个人社交网一次过将自己扮女人造型放上网晒冷，仲留言问网民：「上一次问的系军装，今次问系女装！多年来我穿过的女装，你哋最喜欢哪一套？」，见到套紧身皮衣同粉红护士装，都真系几…索！

11. 陈豪反串逼爆裙

记得2012年嘅《万千星辉贺台庆》，陈豪、郭晋安、谢天华、黎耀祥反串演出《名男望族》。本身就高大嘅阿Mo著住仔裙就好似就嚟逼爆条裙咁，再化埋个妆，阿Mo都几销魂！

12. 谢天华《师奶兵团》

扮女人 Man爆嘅laughing 哥大家就见得多，谢天华曾经喺《师奶兵团》扮女人玩cosplay扮日本女仆，当时媚态十足，都好吸睛嫁！

13. 周柏豪

男神周柏豪一向型英帅，平时张相唔型唔靓都唔摆上 IG，但喺2009年仍然系新人嘅佢，有任何演出机会都唔会放过，接拍咗套原本属喜剧类型《我要做𡃁模》电影，片酬只有约10万元。戏中周柏豪要豁出去扮女人，可惜造形骑呢十足人妖咁款，相信核突到连柏豪自己都唔想有人知，好彩套戏制作太过简陋最后烂尾收场，放映无期。点知2015年电影公司将《我要做𡃁模》重新包装再出笼，片名改埋做《色模》，揾嚟骑呢艳模前AD2成员艾美琦补拍多场露点大胆情欲戏，重组剪辑成「合拍片」，将原本嘅笑片「升呢」到三级咸片，周柏豪无啦啦做埋咸片男主角，令男神形象蒙上重大污点。