沪剧唱词《拷打红云》谭莲芬 杨飞飞（百歌1943）

谭莲芬——老太太（老旦）

杨飞飞——红云（旦）

（老旦）嘱，一只贱人，老身一见冲大怒，拨出我格胸中火一盆，一记浪向送侬命。

（旦）我伲老太太，侬快快活活门来出，为啥怒气冲冲回转门，不问青红同皂白，将我红云打一顿，无事打我为啥咯情形。

（老旦）今天我打你有讲究，

（旦白）啥事体打我啦，

（老旦）我同呐格老爷要出门，临时出门关照侬，陪伴呐小姐是在家庭，呐不该应两家头到庵堂里，我问侬庵堂烧香啊有介情。

（旦）欸，天地良心四个字，我搭小姐在家庭，侬说伲烧香要出门，老太太侬还是自己亲看见，还是旁人话你听，拾着箬帽不能当盾牌用，引线当枪难出征，还我脏来还我证，脏证还出事太平，倘然老太太脏证还不出，，两只耳朵当眼睛，侬打我红云有点不大临盆。

（老旦）小贱人，今朝假痴假呆不晓得，打杀忒侬，还要告我走的来还脏证，啊要得侬登报要声明，本当烧香不晓得，我伲老夫妻一道回转门，半路浪厢碰着两个种地人，两家头勒谈谈说，说起呐格主仆一双进庵门，碰着呐格姑爷陈宰廷，呐格老爷上去盘问伊，狗污塞仔一头颈，还说到烧香无介情。

（旦）这是到过息，事体已经弄僵特脱来，脏证还的闪啦情，我要瞒来瞒不成，向老太太门前说明白，更转一想慢慢恁，方才伲小姐连步三叮嘱，瞒得升堂鼓恁紧，太太是一个滥好人，今朝让我当面起打过门，老太太我伲烧香无介情，奉陪小姐堂楼上，着着棋操操琴，烧香侬啦冤枉我，去问问呐囡囡亲所生。

（老旦）看不出侬石臼里种葱兜底硬，迪格小姑娘嘴巴交关紧，今朝还是老实说，万事全休白太平，假使侬胡言乱语将唐突，我就要剥侬皮落抽侬筋，从前出仔铜钿买到金家地，打杀侬，不要我抵命。