辜苏历程（鲁滨逊漂流记）1902年版，第十章，粤语版

原著：英国，丹尼尔·笛福

翻译：英国传教士，英为霖

抄录：常ならむ

第十章

    我自用呢啲功过格法子之后，觉得好多益处，心里安乐，自后我毋使到海边嚟分心，独系起我嘅屋呮，起屋嘅法子，上先已经讲过，依山画地，做半边月嘅样子，𢬿木柱排密做墙，共两层，中间挤满船上斩断嘅大缆，又怕被风吹倒，故此再𢬿短木撑住，但要更用坚固嘅法子，喺墙之里外，𢬿泥填实，喺外便嘅，约莫厚二尺，整到坚固，种啲草喺佢上头，外便睇见好似一座泥城，十分好睇，墙里半边月样子嘅地，好似日间大屋噉，阔五十尺，深二十五尺，要𢬿嘢遮住，可以避热头，又可以挡风雨，因为呢处系热地，落雨时，雨好大粒，货物好容易坏，噉就拣树嘅横义枝，扎成屋顶，好似草房嘅屋面噉，俾树叶遮密，虽然落雨，亦无妨咯，我先时已经讲及将搬嚟嘅货物，都挤晒喺木墙里便，箇间屋处，但地系窄细，想攞货物，要搬开箱篢，十分费事，故此要将山之凹处掘深啲，可以挤嘢，山之凹处好似石，其实系松软嘅沙，好容易掘，向住沙掘前去，后来从右便弯曲掘前去，再去外便弯弯地掘通，就喺半边月样子嘅墙外，通出去，在外便望下，好似便门噉，十分合用，若遇着有不测嘅事，喺前便攻打嚟，就可以喺便门走出，不致受害，我掘沙时，亦兼做啲枱椅之类，得嚟坐立，若冇呢啲使用嘅物，实在毋便，但系木匠工夫，我未曾学过，独系照书嚟做，工夫越觉好多，因为我喺呢处冇事，工夫虽多，亦冇乜紧要，初做时，𢬿船中攞嚟现成嘅板，至到使远，就斩树做板，因冇锯，只系𢬿斧头削木，故此使尽好多力，一棵树不过做一块板呮，及到枱椅做完，又做啲挨山洞嘅拱壁木架，可以挤什物，至到整好，就将各物件摆得齐齐整整，虽然初成个模样，亦好似新开嘅铺仔一样，后来忽然想下，我自到呢处，总未曾写落一部日记，因初到呢处，心乱如麻，要用各样物件，亦毋齐备，如今枱椅都有，要将每日嘅事，写晒出嚟，可以后来查察一千六百五十九年，九月三十日，难人辜苏嘅日记，箇日我初到呢个绝望海岛，身冇着落，冇啲什物，衣共帽失晒，想多谢神恩，毋知点开口，因深疑惑，自己是必会死嘅，有三个缘故，一件系被野兽食，二件系野人伤害，三件系绝粮饿死，有呢三件会死嘅事，又赑屃又惊慌，争啲癫起嚟，但箇阵已经挨晚，就喺大树上歇宿，虽系落大雨，但因十分疚癐，故此一觉瞓到第朝早，箇时系十月初一日，开眼睇见好天，所坐只大船，系夜间被风浪打佢抗喺沙上，心中好欢喜，意为可以得救，可惜同船嘅人俱皆沉死，若毋落细艇，或可得救，想到呢啲，毋禁得住赑屃，噉就顺到沙滩，游水到船，越发伤心，若同船嘅人喺处，就大船虽坏，或者可以合力做只细艇，驶去别处，或者遇救亦未定，但剩我一个点能做得呢，真正苦楚咯，箇日晏昼后，落雨到夜，都毋止，独系风息晒，自今日至到二十四日，搬船嘅物件，差不多搬晒，但搬嘢时候，俱在潮水当大，好彩得平安，独系二十日，因所搬嘅嘢过多，致到跌落水，等到水退时，所有物件，仍然捞起好多，故此不甚蚀亏，但呢几日雨多晴少，正系箇处落雨嘅时候，二十四日箇晚，成夜大风，致到大船打坏，二十五日朝，毋见船身，独系见断木烂板，跟住潮水流嚟，深中赑屃，箇日毋做别样事，但𢬿搬嚟嘅嘢遮盖稳阵，可免潮湿，二十六日自朝到晏昼，想揾笪好地嚟起造房屋，可免野兽野人伤害，就揾到一处系磐石嚟，在山边处嘅，就画成做半边月样，便于起做，想出个法子，𢬿木排密做墙，内外共两层，中间将斩断嘅绳塞实，外便用泥填住，但自箇日至到三十日，毋做别样事，独系将海边嘅货物，搬晒嚟呢处，已经觉得极辛苦，因为箇阵落雨多，三十一日，手揸火枪，出外巡下遇着一只山羊乸，就打死佢，箇只仔跟住嚟，因毋肯食嘢，怕会饿死，亦即时𢬿枪打死佢，十一月初一日，喺山凹侧边海一个帐幕，收藏各样嘢，呢个帐幕好大，故此将睡铺搬入去，𢬿大网吊住四只角，好似水手嘅床噉，而𠼻几合意，初二日，𢬿箱篢叠成半边样，如同新月嘅城噉，得嚟保护自己，初三日，出去打猎，打死两只雀，好似野鸭，味道亦极好，晏昼后，起手造一张枱，初四朝，限定每日做事嘅时候，共早餐，夜瞓各事，遇着好天，就早起身，必行游一两点钟，嚟舒畅筋骨，自后造事，到十一点钟食晏，自十二点钟至两点钟，因为好热，故此㪗下，到下昼仍然造事，呢两日虽造别样事，亦造枱仔，因未学过师，故此毋在行，亦好迟慢，但有人总未学师，想造物件嘅，亦究竟系共我相似呮，初五日，系礼拜日，毋造工夫，谨守安息，出外散步，见一只野猫，𢬿枪打死佢，见佢皮色几好，剥哓挤埋，但佢嘅肉毋多好食，又见海鸟好多，又有好多种毋识佢嘅名，又忽然睇见海中爬起一只生物，睇真系海狗嚟，呢啲物系生在北海，如今喺南海见着，算系出奇，正在想𢬿枪打佢，佢忽然缩入水里走去，毋见佢踪迹，初六早，行游返嚟，就将枱仔造起，见佢样子毋合式，故此略略改过，噉就做完枱仔嘅工夫咯。