11月電視大戰？TVB對VIUTV

J2頻道11月就係無綫台慶月，喺今晚開始，4套台慶劇陸續出場，但係台慶嘅綜藝節目就未有宣傳。除咗由Do姐、王菀之、何廣沛主持嘅《男神廚房》好大機會係台慶綜藝之外，仲有啲咩呢？一直都係個謎。

到幾日前，傳出J2喺11月會播由王賢誌監製同主持嘅香港電視史上首個男男配對節目《仔仔一堂》，由Vinci主理返，應該可以保證唔會太譁眾取寵。但原來除咗呢個突破性嘅節目，有嘢仲突破：除咗《仔仔一堂》，J2喺11月仲會一口氣推出另外5個節目，仲要係喺2230~2330時段，每日播兩個唔同節目，一個星期10個time slot，將會播放6個節目！

其中包括咗由柯有綸主持嘅音樂節目《那些年的音樂時光》、陰謀情人鄭子誠主持嘅陰謀論節目、奶仔方紹聰主持嘅《野外步出2》。另外仲有一個節目係喺電視城靈探《搵鬼去電視城》，另一個節目係講用便利店嘅嘢去煮嘢食。

無綫一路都未宣傳台慶綜藝，唔通就係等埋J2呢啲節目？

好耐之前消息話ViuTV皇牌綜藝節目《全民造星IV》會喺2230~2330播，但宣傳時就變咗2130~2230。呢6個節目唔通本來要嚟打《全民造星IV》？但依家時間變咗，唔知J2會唔會再變陣？依家11月1日2230係播教主嘅《神的女主角》！

無綫喺81台試過新嘢但收視水土不服，喺82台差唔多係唯一選擇，長達嚟講，要嚟對抗ViuTV 2230~2330綜藝線都係好合理。

J2創意總監C君9月1日上任，到依家都唔夠兩個月，但就一口氣推出咗6個節目，係勁嘅！

作為花生友，有競爭先有進步，百花齊放先係好事。

鄭詩君（C君）獲曾志偉賞識，獲委任為無綫J2台創意總監後，先是將長達四年的皇牌節目《#後生仔傾吓偈》節目「斬纜」。節目最後一集已經播出，不少人都關注《#後生仔》主持們去向，近日IG動態所見，主持徐文浩（Fred）和王虹茵（Sharlene）為新節目上香拜神，由於當日是八號風球，他們特別誠心祈求拍攝一切順利，事關見他們HASHTAG「#鬼同你去電視城」和「#搵鬼去電視城」，未知是否正是該節目名稱。

在拜神的紅紙上寫上除了Fred和Sharlene外，還有徐加晴、劉偉昕、布樂文、胡敏芝、黃翠莹等等擔任主持，一律都是電視圈的新人，而「總監」則是鄭C君，看他們拍攝的氣氛，似乎是靈異節目。今次有別於以往，負責該節目製作的是外判公司，而該公司「WORKSHOP404」以往都是ViuTV的合作夥伴，先後製作過《404不存在的國落》、《最熟悉的陌生人》、《辣王傳》、《衝小三喪玩星馬泰》等等，也有跟香港開電視拍攝《姐姐去哪兒》、《酒勻全香港》等等。該製作公司多個節目都受到關注和讚賞，亦有得過獎。

C君接受電話訪問，他表示：「其實唔單止一個節目，我而家係J2創意總監，原本係冇呢個角色呀嘛，而家係叫做睇住大家創作，見到合適嘅咪合作囉，唔使淨係塘水滾塘魚。（404同ViuTV好多合作？）唔止一個團隊，咁當然係欣賞佢哋創作先會合作，而且其實好多製作公司都係一直都認識，早已知道佢哋好叻。」他表示現時無綫採開放的態度，劇集製作都開始會外判，他都希望電視行業有種百花齊放嘅感覺。

王賢誌（Vinci）搞破格，監製男男配對真人騷《仔仔一堂》，將於11月安排在J2播映，消息傳出已在網上掀熱話。Vinci是節目監製兼主理人，台前幕後皆兼顧，最近忙於《仔仔一堂》的拍攝。Vinci今日接受電話訪問，他說構思這節目是想為LGBT這社群做多一些事情，帶出正面訊息。

Vinci於2013年「出櫃」，2016年跟相戀多年的男友Kevin加拿大結婚，早前慶祝結婚5周年。他說：「希望透過節目讓觀眾知道我們這社群的生活、態度，在社會上所面對的事情。其中有紀錄片性質，例如介紹有關機構亦會探訪年長的同性戀者，但不是拍《新聞透視》。安排配對是節目包裝，其中沒有競賽，不一定配對成功就似現實生活一樣。」

參加者中有不同職業與背景，年齡由20幾至30幾歲，Vinci稱邀請人選是最大困難，就算已「出櫃」的但也有考慮對家人或工作所帶來影響，因為會在電視播映，要很大勇氣。他說：「參加者中有很好的職業，當然是靚仔，正如港姐也是以靚女吸引。不過他們不是參加《全民造星》想轉行做藝人，行出來目的就是將LGBT進程再推前。節目在TVB這平台播映也有參加者顧慮，若果在ViuTV播映，先有《大叔的愛》受歡迎，做同類型節目的受落程度一定更高，因為這班擁躉會支持。將《仔仔一堂》安排在TVB播映，觀眾有比較守舊的，我有心理準備畀人鬧教人搞基，但我視為挑戰。無論接受與否，就是讓更多人知道，因為這是真人真事在社會存在的。要是大家唔鬧，我當然更開心。」