【閩南語】《愛做夢的人》歌詞正字佮臺羅拼音

《愛做夢的人》Ài Tsuè-bāng ê Lâng 蕭煌奇Siau Hông-kî ------------------------------------ 定定聽人咧講 tiānn-tiānn thiann lâng teh kóng  感情毋通閣下遐爾重 kám-tsîng m̄-thang koh hē hiah-nī tāng  才袂有傷濟的向望 tsiah buē ū siunn tsuē ê ǹg-bāng  煞無法度放 suah bô-huat-tōo pàng  . 愛情來的彼一工 ài-tsîng lâi ê hit tsi̍t kang  聽較濟嘛仝款 thiann khah tsuē mā kāng-khuán  猶原共心交予別人 iu-guân kā sim kau hōo pa̍t-lâng  猶原愛做夢 iu-guân ài tsuè-bāng  . 只要有你做伙眠夢 tsí-iàu ū lí tsuè-hué bîn-bāng  我心甘情願 guá sim-kam tsîng-guān  去做一个人講的戇人 khì tsuè tsi̍t-ê lâng kóng ê gōng-lâng  春夏秋冬日思夜夢 tshun-hā tshiu-tang ji̍t-su iā-bāng  只為一句話 tsí uī tsi̍t kù uē  一句你是我一生最愛的人 tsi̍t-kù lí sī guá it-sing tsuè ài ê lâng  . 是毋是有一工 sī-m̄-sī ū tsi̍t kang  你會變佮我仝款 lí ē piàn kah guá kāng-khuán  心內蹛一个人 sim-lāi tuà tsi̍t-ê lâng  開始變甲愛做夢 khai-sí piàn kah ài tsuè-bāng  啥物是永遠 siánn-mih sī íng-uán  啥物時陣欲戇戇等 siánn-mih sî-tsūn beh gōng-gōng tán  攏是真心付出青春的紀念 lóng-sī tsin-sim hù-tshut tshing-tshun ê kì-liām  . 是毋是咱兩人 sī-m̄-sī lán nn̄g-lâng  攏是愛做夢的人 lóng-sī ài tsuè-bāng ê lâng  做一場戀愛夢 tsuè tsi̍t tiûnn luân-ài bāng  甘願予風吹雨淋 kam-guān hōo hong tshue hōo lâm  感情用袂完 kám-tsîng iōng buē uân  你我免驚命運創治人 lí guá bián-kiann miā-ūn tshòng-tī lâng  只要有你佮我相等 tsí-iàu ū lí kah gún sio-tán  只要佮你仝心 tsí-iàu kah lí kāng-sim  這就是永遠 tse tiō-sī íng-uán  . 人海茫茫 jîn-hái bâng-bâng  有時緣份嘛會佮咱覕相揣 ū sî iân-hūn mā ē kah lán bih-sio-tshuē  毋管有偌濟的困難 m̄-kuán ū guā-tsuē ê khùn-lân  愛偌濟時間 ài guā-tsuē sî-kan  只要心內有希望 tsí-iàu sim-lāi ū hi-bāng  提真心來相送 the̍h tsin-sim lâi sio-sàng  總有一工 tsóng ū tsi̍t kang  愛會變做美麗的戀夢 ài ē piàn-tsuè bí-lē ê luân-bāng  . 只要有你做伙眠夢 tsí-iàu ū lí tsuè-hué bîn-bāng  我心甘情願 guá sim-kam tsîng-guān  去做一个 人講的戇人 khì tsuè tsi̍t-ê lâng kóng ê gōng-lâng  春夏秋冬 日思夜夢 tshun-hā tshiu-tang, ji̍t-su iā-bāng  只為一句話 tsí uī tsi̍t kù uē  一句你是我一生最愛的人 tsi̍t-kù lí sī guá it-sing tsuè ài ê lâng  . 是毋是有一工 sī-m̄-sī ū tsi̍t kang  你會變佮我仝款 lí ē piàn kah guá kāng-khuán  心內蹛一个人 sim-lāi tuà tsi̍t-ê lâng  開始變甲愛做夢 khai-sí piàn kah ài tsuè-bāng  啥物是永遠 siánn-mih sī íng-uán  啥物時陣欲戇戇等 siánn-mih sî-tsūn beh gōng-gōng tán  攏是真心付出青春的紀念 lóng-sī tsin-sim hù-tshut tshing-tshun ê kì-liām  . . 是毋是咱兩人 sī-m̄-sī lán nn̄g-lâng  攏是愛做夢的人 lóng-sī ài tsuè-bāng ê lâng  做一場戀愛夢 tsuè tsi̍t tiûnn luân-ài bāng  甘願予風吹雨淋 kam-guān hōo hong tshue hōo lâm  感情用袂完 kám-tsîng iōng buē uân  你我免驚命運創治人 lí guá bián-kiann miā-ūn tshòng-tī lâng  只要有你佮阮做夢 tsí-iàu ū lí kah gún tsuè-bāng  只要佮你仝心 tsí-iàu kah lí kāng-sim  這就是永遠 tse tiō-sī íng-uán  . 是毋是咱兩人 sī-m̄-sī lán nn̄g-lâng  攏是愛做夢的人 lóng-sī ài tsuè-bāng ê lâng  做一場戀愛夢 tsuè tsi̍t tiûnn luân-ài bāng  甘願予風吹雨淋 kam-guān hōo hong tshue hōo lâm  感情用袂完 kám-tsîng iōng buē uân  你我免驚命運創治人 lí guá bián-kiann miā-ūn tshòng-tī lâng  只要有你佮阮做夢 tsí-iàu ū lí kah gún tsuè-bāng  只要佮你仝心 tsí-iàu kah lí kāng-sim  這就是永遠 tse tiō-sī íng-uán ---------------------------