蕭徽勇發文悼念好友陳廷軒：好唔捨得你！
2019-06-11 19:08 作者:BritMarling | 我要投稿
自2008年配Kawaii TV開始, 我哋幾乎每日都ㄧ齊喺老馬開飯。由萍水相逢嘅同事變成飯腳, 逐漸變成交心朋友。我哋傾過嘅工事, 家事, 天下事, 八卦事多過我同自己屋企人。
抑壓咗咁多日, 我ㄧ直保持沉默, 因為我知道你係ㄧ個低調嘅人。但係你嘅離開真係太突然, 大家都好唔捨得你。 默哀行動係我唯ㄧ可以幫你做嘅最後ㄧ件事, 就高調ㄧ次咁多啦, 陳生 !
"終局之戰" 係你留俾我最後嘅四個字。放心, 我會繼續努力作戰💪
心照 ! 安心上路吧 !
#永遠懷念陳廷軒
