TVB推「十兄弟」迎戰MIRROR，After Class與Collar
ViuTV打造的MIRROR人氣氣勢如虹，幾乎包辦全港大大小小的廣告。早前TVB與港台合辦音樂頒獎禮《金曲頒獎典禮》，TVB高層曾志偉曾透露想邀請MIRROR出席，不過最後當然唔成事啦！而TVB近期就推出限定男團「Super Tiger十兄弟」，似乎想硬憾MIRROR！而「Super Tiger」中最年長的成員就是去年台慶頒獎禮獲《飛躍進步男藝員》獎項的35歲羅天宇，更獲安排做「C位」！
今次限定男團「Super Tiger十兄弟」就有10位成員，除了有羅天宇之外，仲有組合「天堂鳥」成員Lincoln、愛回家蔥頭丘梓謙、鄒兆霆、曾展望（GM）、林俊其、魏柏豪、造星1的劉展霆（Eden）、李紹堅、宋懿芳。獲安排做「C位」的羅天宇在訪問中表示入行前最想做男團，「等咗14年先有呢個機會，估唔到我有呢個機會。」早前他們先在賀歲節目《恭喜發財好運來》壓軸表演兩首歌曲。
去年11月ViuTV播出《全民造星4》，講到要打造女團，TVB就馬上在11月底推推出四人女團 「After Class」，成員就有《聲夢傳奇》第一季參賽者，炎明熹、姚焯菲、詹天文、鍾柔美。而ViuTV完成節目《全民造星4》後組成女團Collar，新歌《Call 》洗腦式Chorus反應不錯！看來TVB都想在女團中佔一席位！
其實TVB組團也不是第一次，過往也曾經組成過，但沒有一次成功。例如好多人不知道，許廷鏗是男團出道，隊名也是離不開Super的「Super 4」，成員包括陳鴻碩、劉威煌、許廷鏗、林師傑四位巨聲幫組成，但是出道不久就解散，只剩下許廷鏗單飛活躍於現今樂壇。
TVB繼「Super 4」後又曾經推出過女團，分別為黃心穎、蔡思貝、馮盈盈、邵珮詩、張寶兒五人組成，五人的走音、甩Beat、舞姿被網民恥笑，其女團當年活躍於TVB各個活動和頒獎禮。
由《聲夢傳奇》學員炎明熹（Gigi）、姚焯菲（Chantel）、鍾柔美（Yumi）及詹天文（Windy）組成的女團After Class上年11月正式成軍，但組成僅兩個月，ViuTV《全民造星IV》八人女團COLLAR今年一月隨即誕生，兩隊樂壇勁「女」之爭一觸即發。然而，After Class面對來勢洶洶的COLLAR，不但未有視為勁敵，反而伸出友誼之手，盼兩團能夠不比較及互相學習，令樂壇百花齊放。
去年Gigi、Chantel、Yumi及Windy完成《聲夢》比賽後，獲無綫安排拍攝青春劇《青春本我》，及後再被欽點組成After Class出道，成為當時唯一的新女團。女團工作接踵而來，除了各大小商演活動，更舉行演唱會及推出劇集主題曲和插曲，可謂豐收的一年。平均年齡只有15歲的After Class青春無敵，吸引不少年輕粉絲支持，但一枝獨秀的光環維持不久，很快便被COLLAR後來居上。
After Class和COLLAR雖然至今未有機會正面交鋒，但外界經常將她們比較。After Class沒有因此自亂陣腳，反而處之泰然，「大家都唔同風格，我哋唔需要比較，大家互相學習；除咗香港之外，韓國有好多女團，佢哋都有唔同風格，所以我哋做番自己就夠。」無懼外間肆意批評，答得大方得體。After Class期望今年推出更多好作品給粉絲，她們露口風說︰「我哋已經有一首輕快歌，希望會推出一首慢歌。」
炎明熹放低執着
去年在樂壇頒獎禮上略有斬獲的Gigi，對無綫和港台將於四月首度合辦《香港金曲頒獎典禮》，問她是否想再下一城？Gigi表示以平常心對待，「如果太專注獎項，反而會有少少壓力；但有樣嘢唔可以缺少，就係做好自己，因為如果所有嘢都順其自然，就會變得好hea，總之就做好自己，亦唔好辜負自己嘅努力。」
不過Gigi卻自爆曾對自己的表現不滿意，她解釋︰「有時對自己表現唔滿意，就會非常唔開心，後期慢慢學習樂觀啲看待所有嘢，我嘅老師、朋友同屋企人教識我，要擴闊自己嘅眼界，雙眼要擘大啲。」Windy亦曾因表演失準而鬱鬱寡歡，只是面對的人和事多了，思想亦成熟不少，學會樂觀面對一切事情。至於Chantel很感恩去年發生的一切，讓她有機會接觸不同的工作，感覺新鮮又好玩；Yumi則笑指沒想過比賽後會入行，更有不少工作機會，所以格外珍惜，「總之機會嚟到，就會努力做好佢，亦保持我哋嘅初心。」
意見一致從無拗撬
四位少女合作，難免有意見不合的時候，但After Class直言從沒拗撬。「真係無，講笑互窒當然會有，但通常我哋都係意見一致，如果有唔同意見，我哋都會攞出嚟傾，萬一真係搞唔掂，經理人都會幫我哋。」至於哪一位經常提出無厘頭意見？Gigi直認︰「係我成日諗埋啲無謂嘢。」逗得隊友笑不停。
COLLAR唔介意同After Class合作
提到女團獲不少「前夫」支持，問到會否擔心成「人妻公敵」﹖她們笑言也有很多「前妻」及女粉絲支持，甚至是夫妻一齊追星，Marf說：「有啲粉絲話我哋全家都好鍾意你哋，呢個係最良好嘅追星現象，大家一齊去進行呢件事，亦都係我哋目標，就係老少咸宜。」自言保持8名成員個人風格自然可以吸納女粉絲。除了以「老少咸宜」為目標，問到2022年最佳組合會否是目標之一？Marf直言：「呢個梗係好，我哋會努力。」芯駖強調獎項只是錦上添花，最緊要是做好自己，至於會否擔心跟「聲夢小花」組成的After Class比較？芯駖續說：「我知觀眾好鍾意攞嚟比較，但我哋唔會同人比，只會自己同自己比。（同佢哋合作吓！）唔介意同任何人合作，合作係好事，咁先有火花，娛樂圈先會有氣氛。」若然成事，Marf與炎明熹勢掀主將大戰！
題外話：事實上兩隊女團風格、市場、定位、年齡層完全不同，而且初出茅廬小朋友和人生閱歷的大姐姐兩者根本無法比較。其實炎明熹的唱腔過時，並不是現代唱腔，而冼靖峰與炎明熹是同一個唱歌老師，監製也同樣發現冼靖峰的唱腔過時不現代的問題。
