承认与13岁女童非法性交候判 李廷川40年前唱赢张学友

寻日区域法院审理一宗案件，被告#李廷川#（59岁）被控喺2011年向当时女友嘅13岁胞妹作出#猥亵#行为及#非法性交#，被告承认4项#控罪#，并指自己患#脑退化症#，希望获轻判。法官将案件押后至12月14日判刑。 #李廷川#早前曾出现#TVB#节目《#星光汇聚成翡翠#》，因为佢40年前喺《#欢乐今宵#》嘅歌唱比赛胜出，未出道嘅#张学友#都系佢嘅手下败将。 1983年《#欢乐今宵#》举办《#尽显才华Sing声星#》歌唱比赛环节，每集都会有3名挑战者同上一集胜出嘅台主较量，当年李廷川系2届台主，张学友以「#踢馆者#」身份参赛。学友当时选唱关正杰嘅《#迟早是一对#》，评判之一嘅歌唱老师周文珊认为学友嘅演唱「唔够连贯，尾音求其，交代待唔够清楚」。原来当日另一位评判系阿叻陈百祥，TVB 40年后再揾阿叻俾评语，佢都系认为#张学友#唱得冇李廷川咁好。 至于李廷川参赛时只有19岁，读书时已经热爱音乐，仲系哥哥张国荣师弟，试过同台演唱。李廷川喺《星光汇聚成翡翠》忆述参加比赛情况，佢话排队报名人龙十分墟冚，而佢试音后第二日就获通知入围。结果李廷川最终成为4届台主，但喺决赛输咗，失落总冠军。事后有唱片公司揾李廷川试音，但系被嫌唱腔太老成，最终未有签约。李廷川之后做印刷，仲会教人弹结他，廿几年前撞返旧朋友后一齐再玩音乐。对于唱赢张学友，李廷川话当时都戥学友唔抵，又赞对方把声听得好舒服。