求其写啲嘢

啱先刷到一个视频，里面有一个片段，个女仔嘅本地朋友问个女仔今晚去系咪去太古汇之类嘅地方玩。个女仔答佢，今晚去上下九。隔住个手机屏幕，我都feel到个本地朋友嘅表情喺咁

我估计，个女仔行咗无十分钟，就急急脚咁离开咗上下九。

我承认，宜家嘅上下九，的确已经无乜可以吸引人嘅地方，或者讲，吸引年轻人嘅地方。至少，一家大细嚟玩嘅话，大人会叫小朋友同啲已经开始甩漆嘅铜像合影嘅。

下九路我数得出稍微值得去嘅，就只有皇上皇，广州酒家，上文提到嘅铜像，同埋好似已经换咗一个人做嘅鸡公榄。问题喺，呢啲地方，后生仔边会去？更唔好提已经算喺完全荒废嘅上九路（个人认为，上九路今时今日咁同状元坊嘅没落有好大关系）

上下九宜家感觉上已经喺，只有西关人先会去行，但对于西关人嚟讲，佢逐渐变得陌生咗，更可有可无，尤其喺相对于上一辈嘅“唔出得城”，我哋呢一代人，早就将活动重心转去北京路，天河。可能到最后，想知道上下九以前喺点，可能只可以《外来媳妇本地郎》入面先睇到咯。