中國台灣閩南語詞彙文白訓異讀
台灣話音讀由古漢語及外來語依不同時代添入，通常白話音較直接明白，表示實際字面上含義，四常用於口語表達，而讀書音較抽象意境，表示袂少的延伸古典含義，往往用於讀漢文或者專有詞彙之場合，外來語用於原底無的詞彙
百萬
pah-bān 實數百萬/若著獎就會用得成做百萬富翁矣
pik-bān 虛數，數量巨大之涵義/我軍有百萬雄師，毋驚敵軍來征
解說
kué-seh 開拆的動作/汝愛共內容解說予逐家聽
kái-suat 開拆相關專有詞綴/博物館的解說人員誠囂俳，予我真袂爽
相近
sio-kūn 互相接近/咱兩个心愈來愈相近矣
siong-kūn 意義接近/伊想的佮我有一屑仔相近
說明
seh-bîng 說予人明白了解/定著愛說明才袂予人誤會
suat-bîng 開拆的內容/咱來小看一下這機器的使用說明
改變
kué-pìnn 主動的行為改變/這回比賽輸輸去，愛改變計策才會贏
kái-piàn 自然的改變/當今氣候改變，愈來愈熱
流血
lâu-huih 血流出來/柱才跋倒流血矣
liû-hiat 相拚衝突/這爿定定發生流血衝突
出血
tshut-huih 血流出來/予蛇咬愛予跤出血一寡才袂中毒
tshut-hiat 醫學專有詞/出血性中風死亡率不止仔懸
血脈
huih-me̍h 血管血筋/若逐工坐佇椅仔頂容易血脈不通
hiat-bi̍k 血統傳承/朱一貴自稱傳承明朝血脈
大人
tuā-lâng 成年的人/大人咧講，囡仔人有耳無喙
tāi-jîn 高位者衍伸為警察/毋好共車亂使停，若無會予大人開單
小人
sió--lâng 自謙稱己/這是小人的看法
siáu-jîn 無品德的人/親賢臣遠小人、卑鄙小人
人家
jîn-ke 民家、人的厝/佇咧山坑內，有幾外人家厝
jîn-ka 門第、家庭/彼是枋橋的富貴人家
老翁
lāu-ang 老翁婿/阮老翁咧睏毋愛共吵
nóo-ong 老大人的雅稱/以成老翁，但未白頭耳
重利
tāng-lāi 重的利息/放重利予散赤人，汝憑心按呢敢著？
tiōng-lī 看重利益/重利的人愛遠離、商人重利輕別離
雨水
hōo-tsuí 落雨的水/收集雨水來利用
ú-suí 二十四節氣之一/今仔日是雨水
山水
suann-tsuí 山坑內底的水/這山水飲著足甜的
san-suí 光景、風景/騎オートバイ遊山水
水火
tsuí-hé 水佮火/水火無情、水火不容
suí-hónn 生活必需、災難/絕水火、如蹈水火
水官
tsuí-kuann 管理漁事的官/納魚稅予水官
suí-kuan 三界公之水官/三界公有天官、地官佮水官
上官
tsiūnn-kuann 官員就任/這馬行政院長下台啥物人欲上官
siōng-kuann 上等的官/會使入去國會的攏是上官
出山
tshut-suann 出殯的俗稱/阿華明仔早起欲出山
tshut-san 道士離開修行地/修行到今該出山矣
開山
khui-suann 開墾山地/開山種檳榔
khai-san 鄭成功的稱號/鄭成功是開山王
金山
kim-suann 四界是金礦的山/金瓜石是有名的金山
kim-san 金包里的新地名/金山鄉農會、金山區公所
山形
suann-hîng 山的外型/這粒山的山形若像龍頭
san-hîng 日本的地名/日本山形縣
人形
lâng-hîng 人的形/共餅捏做人形
ni̋ng-gióo 人形尪仔/阿母送一个人形予我
人參
jîn-sim 漢藥仔的一種/我足愛飲人蔘雞湯
ni̋n-jín 紅菜頭/加食人參對目珠誠好
拉麵
la-mī 北方地區的麵食/最近有開一崁蘭州拉麵佇樓跤，感覺足好食
la̋-mén 日本拉麵/這碗拉麵俗閣大碗，愛定來！
先輩
sian-puè 頂司長輩/先輩交代的事志毋好放袂記
se̋m-pái 學長前輩/跟綴先輩來做，一定無毋著
山梨
suann-lâi 薔薇科水果/這粒山梨足好食
san-lê 日本的地名/來到日本的山梨看見富士山
花鳥
hue-tsiáu 花色的鳥/彼隻花鳥足好看
hua-niáu 花佮鳥的氛圍/佇步道咧散步，享受沿途的花鳥
花草
hue-tsháu 有花的草/佇外口見著不知名的花草毋好摸
hua-tshó 花佮草的氛圍/滿滿的花草生佇猶未佈稻仔的田地
花子
hue-tsí 花的種子/頂禮拜埋的花子發芽矣
hua-tsú 乞食/汝這叫花子的
會合
uē-ha̍h 契合、適合/In兩人逐工行甲做伙，誠會合
huē-ha̍p 明仔早起早頓了後，佇ホテル大門口會合
行動
kiânn-tāng 華語的走動/汝徛佇遮等我，毋好行動
hîng-tōng 執行任務/半暝三點開始行動
行走
kiânn-tsáu 走離去/穡頭猶未完成毋通行走
hîng-tsió 行路/徛佇樓頂會使看著當咧行走的行人
上天
tsiūnn-thinn 過身/人若死亡，就會上天見菩薩
siōng-thian 天頂的神名/這回(kái)比賽的輸贏，愛看上天的面色
傷重
siunn-tāng 傷過重/這台トラック傷重矣，袂使上高架
siong-tiōng 受傷過重/有工人對鐵架仔頂摔落來，送醫了後傷重不治
數目
siàu-ba̍k 帳目/這擺來茶店仔交關，數目袂俗
sòo-bo̍k 具體的數量/工程愛用的磚仔數目袂少
等閒
tán-îng 等甲有閒/最近誠多忙，愛等閒才會使參汝出來得桃
tíng-hân 平常、一般/新來員工跤手足巧，果然非等閒之輩
重耳
tāng-hīnn 重聽/阿公伊重耳，汝愛講較大聲寡才會聽有
tiông-ní 春秋晉文公/晉文公重耳是五霸之一
千歲
tshing-hè 千外的歲/拉拉山神木群有袂少的神木是千歲的
tshian-suè 通稱王爺/下港人信千歲，頂港人信媽祖
變天
pìnn-thinn 天氣改變/聽講後日欲變天矣，愛加穿衫才袂感冒
piàn-thian 政權更換/戰爭敗北矣，欲變天矣！
空間
khang-king 空的房間/這空間予汝踮一暝
khong-kan 可存有形或無形體之處/バス閣有空間通坐
小可
sió-khuá 一屑仔/小可仔錢嘛是錢，毋通拍損
siáu-khó 平凡的身份/看伊的手藝遮爾好，一定非同小可
小解
sió-kué 對神名報答傷欠/咱拜天公袂使大下小解，若無會受著報應
siáu-kái 小便、放尿/我去水溝仔小解一下
小雪
sió-seh 落小雪/昨暗山頂有落小雪
siáu-suat 二十四節氣/今仔日是小雪，南方的台灣卻無啥寒
小弟
sió-tī 胞弟或較少歲查埔/阮小弟今仔日卒業
siáu-tē 自謙稱/小弟有啥服務不周的所在，會使共我說一下
小行
sió-hâng 細崁店面/伊開的一間小行，賣的物件袂濟
siáu-hâng 謙稱店面/本小行敢有啥愛改進的所在？
小名
sió-miâ 偏名/我的小明號做阿明，以後就按呢叫就好
siáu-bîng 謙稱己名/我小名叫志明，會使叫我阿明
大字
tuā-jī 較大的字/汝看牆頂有寫紅色的大字
tāi-tsū 敬稱名字/請問恁大字為何？
小字
sió-jī 較小的字/伊評量頂寫的小字，有啥物用意
siáu-tsū 謙稱名字/小字是父母去予看命先起的
大寒
tuā-kuânn 不止仔寒/這大寒的天氣，愛加一寡仔コート
tāi-hân 二十四節氣/大寒不寒，人馬不安
大雪
tuā-seh 落大雪/昨昏寒流襲來，聽講太平山有落大雪
tāi-suat 二十四節氣/舊年大雪的時陣，合歡山滿滿是雪
兄弟
hiann-tī 意氣相投的人/阮兩人是自細漢到今的兄弟
hing-tē 兄佮弟/四海之內皆兄弟
有名
ū-miâ 有人氣/這雞卵糕佇台北不止仔有名
iú-bîng 虛名不實/這品牌的手機仔干焦有名爾爾，根本就無好用
有無
ū--bô 詢問有無/我記得手機仔囥佇桌仔頂汝看看咧，有無？
iú-bû 有佮無/汝愛共病人察一下，確診的有無
無情
bô-tsîng 毋講人情/汝這無情的不孝子，連爸母也敢拍
bû-tsîng 忘情/行佇懸山草埔的小徑，彷彿身心無情的境界
無心
bô-sim 落志無心/我看汝最近上班誠無心，發生啥物事志？
bû-sim 非本意的/這擺的重耽，我是無心的
無形
bô-hîng 無佇人間的物體/暝路毋好定定行，會柱著無形的物件
bû-hîng 無形影的/伊佇運籌帷幄之中，無形控制戰局
無人
bô-lâng 顧名思義無人/無人會像汝按呢做
bû-jîn 名詞綴/世界上的無人島愈來愈少
活動
ua̍h-tāng 予身體活動/坐佇椅仔已經三點鐘矣，愛起身活動一下
hua̍t-tōng 同樂活動/明仔載市政府有活動，汝敢欲參加？
目前
ba̍k-tsîng 頭前、眼前/汝目前的糞埽，欲按怎處理？
bo̍k-tsiân 至今的狀況/目前的進度猶未過半，愛加油
十全
tsa̍p-tsn̂g 完美無缺/無人天生就是十全的，定著有缺點
si̍p-tsuân 中藥湯/天氣寒，來燖十全大補湯好矣
讀書
tha̍k-tsu 閱讀冊本/明仔載欲考試矣，趕緊去讀書
tho̍k-su 讀書用功/萬般皆下品，唯有讀書高
眉目
bâi-ba̍k 眉佮目/伊眉目誠分明，看著是一个古意的人
bî-bo̍k 顏面容貌/伊眉目好看，是台女的上愛
面目
bīn-ba̍k 體面/今仔日出門發覺褲的チャック無拖，夠無面目的啦！
biān-bo̍k 顏面外形/到今都猶未見著伊的真面目
目下
ba̍k-ē 眼前/水筒就佇恁目下，煞講揣無
bo̍k-hā 當前/目下的首要，就是愛共房間拚掃予清氣
下手
hē-tshiú 動手/這馬都合無好，先下手為強
ē-tshiú 手下/這是我的下手，來鬥相共的
兩岸
nn̄g-huānn 兩爿的岸/淡水河的兩岸，一爿是淡水，一爿是八里
lióng-gān 台灣海峽兩岸/維持兩岸交流，有利台灣的經濟
世界
sì-kuè 滿滿是/莫共積み木弄予滿世界
sè-kài 天下、地球上/咱世界上大的國家是露西亞
烏龜
oo-ku 動物的一種/飼烏龜足趣味
oo-kui 予查某落海收益的人/這馬艋舺經營豆乾厝的烏龜，攏共大人烏紗，毋驚予人取締
內地
lāi-tuē 內陸的土地/台灣的內地南投，是無倚海的縣市
luē-tē 指大陸/對內地來的旅客有漸漸仔減少的趨勢
口舌
kháu-tsi̍h 喙佮舌/佇文化大學後山，看著袂少的愛人仔咧放瘦氣，口舌接觸誠頻繁
khió-sia̍t 爭辯/律師為被告口舌不休，結果猶是判重矣
所有
sóo-ū 全部/所有的人攏過來一下
sóo-iú 所持有的/這土地權是伊所有的
後代
āu-tē 後一代人/父母的家伙愛予後代來繼承
hiō-tāi 後世的子孫/孔垂長是孔子的後代
高粱
kau-liâng 高粱酒/一矸高粱是暗時逐家愛飲的
ko-liông 農作物用於生產高粱酒/這片園地滿滿是高粱
大事
tuā-tāi 大事志/發生大事矣，逐家來鬥跤手矣
tāi-sū 重大的志向/未來我欲做一項大事
西方
sai-hng 西的方向/對汐止往西方行，就會到南港矣
se-hong 歐美或極樂世界/近代社會愈來愈西方化矣
東方
tang-hng 東的方向/東方的海上，滿滿是烏雲
tong-hong 東方世界/生在東方的咱，傳承中原的文化
四方
sì-hng 四面八方/行佇森林內底，咱四方攏是樹
sù-hong 四方形/這款桌仔是四方的
鼓吹
kóo-tshe 北管的嗩吶/料想袂到汝會曉歕鼓吹
kóo-tshui 一戰後的獨國，受著納粹的鼓吹，全民迷戰爭
牽牛
khan-gû 共牛牽予走/細漢偷挽匏，大漢偷牽牛
khian-giû 牽牛星或牽牛花/看著天頂的牽牛星，想著牛郎織女的故事
流水
lâu-tsuí 水咧流咧/山坑內的流水，會使用來洗面
liû-suí 連續不斷/最近生意誠交易，錢流水入來
當時
tng-sî 妥當的時陣/掠一个當時來行動
tang-sî 何時/汝當時欲轉來
tong-sî 向陣仔/當時我干焦是無名小卒而已
抵當
tí-tng 擔責任/這項事志我來抵當
tí-tǹg 典當/汝愛提啥物來抵當
tí-tong 典當詞綴/抵當品的價值傷低，歹通過喔
當初
tng-tshue 頭先、起初/當初是汝講愛改薰的，結果這馬閣食
tong-tshoo 頭先愛做/早知今日，何必當初
當年
tng-nî 妥當的年時/是當年愛開戰矣
tong-nî 當年米軍爆擊時，阿公覕佇防空壕內底
tng-liân 妥當的年歲/是當年愛做兵矣
梨園
lâi-hn̂g 種梨仔的園/去梨山的沿途滿滿是梨園
lê-uân 戲班/當今願做梨園子弟的人越來越少
田園
tshân-hn̂g 田地佮園地/來到池上伯朗大道，滿滿攏是田園
tiân-uân 田庄、庄跤氛圍/離開都會來到田庄，體驗田園生活
家園
ke-hn̂g 家口種的園地/咱兜的家園不止仔大坵
ka-uân 鄉里、故鄉/若有人敢入侵咱家園，一定會盡力保護
天地
thinn-tuē 天地神靈/咱愛誠心拜天地才會聖
thian-tē 世界/天地萬物皆有靈
肉體
bah-thé 肉款的身體/汝看伊的肉體，一定是逐工食有的無的
jio̍k-thé 身體/肉體的感受，無的確是有影的
青樓
tshinn-lâu 青色的樓/佇頭前有一棟青樓，往過是商場
tshing-liô 情慾的場所/古早艋舺地區滿世界是青樓
青皮
tshinn-phê 青皮豆/我朋友足愛食青皮豆的
tshing-phî 漢藥仔/青皮是未熟柑仔皮所制的
青龍
tshinn-lîng 青色的龍/西方的青龍是有跤有手的
tshing-liông 四象之一/青龍是傳說中的神獸
白虎
pe̍h-hóo 白色的虎/東北地區存在罕見的白虎
pi̍k-hóo 四象之一/左青龍右白虎，眾所皆知
飛鳥
pe-tsiáu 咧飛的鳥仔/佇公園看著飛鳥愛細膩，會受著鳥仔屎的攻擊
hui-niáu 飛禽動物總稱/粉鳥是一種飛鳥，但雞毋是
爬蟲
pê-thâng 咧爬的蟲豸/害矣！汝看眠床頂滿滿是爬蟲，有夠疒哥
pâ-thiông 爬蟲類/鱷魚是一種爬蟲
食物
tsia̍h-mn̍gh 食物件/我按早甲暗都猶未食物
si̍t-bu̍t 食品食物/粒粒皆辛苦，毋好損頓食物
馬力
bé-la̍t 馬的力/這台馬車靠馬力來行
má-li̍k 能量單位/59-300條的四代勁戰馬力上大16匹
盡力
tsīn-la̍t 上大的力量/我已經盡力共這台車拖矣
tsīn-li̍k 放出最大的能力/這擺比賽我已經盡力矣
水力
tsuí-la̍t 水的力/這モーター這水力傷細，無法度送水予水塔
tsuí-li̍k 水力發電/石門水庫嘛有水力發電廠
人力
lâng-la̍t 人的力/獨靠人力是比袂過機器的
jîn-li̍k 人力資源/咱會社有缺人力
人氣
lâng-khì 人的氣息/暗暝的鄉下空空的，攏無人氣
jîn-khì 受人矚目/中國大陸的商品愈來愈有人氣
成人
tsiânn-lâng 成器、知頭重/汝都大人大種矣，猶倚父母毋去趁錢，真誠毋成人
sîng-jîn 成年的人/我成年矣，會使騎オートバイ矣
休憩
hiu-khè 休閒、歇睏/假日來去外口休憩
khiű-khé 旅館房間休息/今仔日駛車駛甲真忝，去ホテル休憩三點鐘好矣
酸素
sng-sòo 氧氣/懸山頂酸素較薄，扒山呼吸愛控制
sàng-sooh 酸素熔斷噴燈/熔接用酸素傷危險矣，用電龜較安全
薔薇
tshiûnn-bî 玫瑰植物/滿滿的薔薇種佇路邊
bá-lah 玫瑰花/我欲共九十九蕊薔薇送予汝
赤身
tshiah-sin 褪赤身體/工人熱天赤身咧工課，看著足艱苦
a-khá-mih 刺身的紅魚肉/食刺身時，我上愛食赤身
饅頭
bán-thôo 無餡的饅頭/我早頓愛食饅頭包卵
ma̋ng-jiú 日本式甜饅頭/阮厝在近菜市仔賣的饅頭甜閣好食
飯盒
pn̄g-a̍h 便當盒/古早火車頭賣的飯盒是白鐵仔做的
ha̋ng-góo 手提飯鍋/紮飯盒去遠足誠方便
救援
kiù-uān 救助支援/若佇山路牢車，會使喊道路救援
khiű-én 鐵路補機車救援/苗栗舊山線鐵道傷崎，火車定定無力上崎，愛等救援來
案內
àn-nāi 旅遊指引/咱來到日月潭，來聽ガイト案內一下
a̋n-nái 情慾場所招待/來到廣州街，就有三七仔咧案內咱入去查某間鬆一下
變態
piàn-thài 非正常心理/有一屑仔查埔，穿女性ブラジャー佮內褲，是變態心理
he̋n-thái 罵人心理不正常/變態，汝到底佇咧創啥潲？
天井
thian-tsínn 建築厝頂中空/這三合院有設天井，日光照落來真好看
the̋n-jióo 天蓬/恁厝的天井用啥物材料
上等
siōng-tíng 高等/這是上等的龍蝦
jiőo-tóo 最好/若三點進前轉來上等
一等
it-tíng 第一等/我是世界第一等
i̍t-tóo 第一等/一等讚，愈食愈讚
反抗
huán-khòng 抗爭/政府若執意愛拆厝，我一定反抗到底
ha̋ng-khóo 五四三/汝若敢來，我無咧反抗的啦
一杯
tsi̍t-pue 一甌/伊一杯ビール就飲酒醉矣
i̍t-pái 一睏仔/汝就共麵一杯食予了就袂遲宕矣
制動
tsè-tōng 擋仔系統/這台車的制動是brembo的
se̋-tóo 踏檔仔/這擺坐火車直直制動毋知發生啥物事志
濃厚
lông-hiō 深厚/來到鄉里，感受著濃厚厝裡的感覺
nőo-khóo 母湯濃厚/這碗拉麵的湯誠濃厚
質問
tsit-mn̄g 問明是非/今仔到厝就予阿母質問為啥物愛遮爾晏轉來
tsit-būn 問題、疑問/汝有啥物質問攏會使問我
所有人
sóo-ū-lâng 所有的人/所有人攏愛注預防射
sóo-iú-jîn 持有人/這台車的所有人是阿明
滿天星
muá-thinn-tshinn 滿天的星斗/來到暗空公園，看著滿天星
buán-thian-sing 植物的一種/滿天星盛開，誠合送禮予女朋友
老人家
lāu-lâng-ke 高齡者、老大人/公園有足濟的老人家咧散步
nóo-jîn-ka 尊稱雙親/阮老人家明仔早起愛來厝裡坐坐咧
腦震盪
náu-tsìn-tōng 腦內傷/阿金出車禍送病院，毋知敢有腦震盪
nőo-sín-tóo 罵人兩光/汝腦震盪矣，那會遮爾憨
大丈夫
tāi-tiōng-hu 有擔當的男子/大丈夫刺字毋驚疼
la̋i-jiòo-buh 無要緊/大丈夫的啦！伊家己會發落予好
