TVB艺人宁愿闪婚斩断所有绯闻放弃35岁前生仔︰唔介意搵代母或雪卵

TVB艺人陈滢（Jeannie）演出《痞子殿下》与周嘉洛传出绯闻，男方更被拍到到访对方香闺。现年32岁的陈滢自2014年入行以来已先后传出过9段绯闻，近日她拍片宣传剧集时大方提起这件事，指由于绯闻太多令她被改花名「淫滢」，她坦言：「我都唔知道钟意定系唔钟意比较好。」

陈滢昨日（29日）再接受商台《1圈圈》访问，她起初很讨厌「淫滢」这个称号，「我觉得做咩啫？之前就叫我肥滢慨，而家就变咗淫滢。（阮兆祥：做女主角最好系有好多唔同慨型（谐音：滢）呀。）陈滢咪几好啰，陈滢咪几型啰。」她又开玩笑指「淫滢」充满亲切感：「唔好唔嗌我淫滢呀，我唔钟意㗎！」

谈到绯闻，陈滢指绯闻没有对她构成烦恼，且有助宣传，但也不代表她喜欢绯闻，她无奈摊手道：「你话我钟唔钟意绯闻就一定唔钟意㗎啦，但的而且确成日都有，咁都唔关我事㗎！你要咁写我控制唔到，但你话我系咪钟意，我唔钟意，我嬲㗎！」

阮兆祥笑称不如陈滢尽快搵男朋友，结束单身便不会再有绯闻，陈滢表示宁愿闪婚斩断所有绯闻，她说：「唉，我有时都会谂不如我是但闪婚算啦，咁起码唔使有绯闻。如果我闪婚咪唔使俾人讲啰，我拍拖都可能有绯闻㗎！」

被问到曾打算35岁前想结婚生仔，陈滢搞笑道：「唉唔好提啦！」她表示现心态更开放，不介意用其他方法生仔：「为咗唔俾自己呢个（目标）控制呢，我系Open Minded（开放）咗慨，女仔唔好用一个年龄限制自己几时生仔，其实有好多其他Option（选项）㗎，可以领养、代母、雪卵啦。」

陈滢接受圈内外男仔追求，她说：「因为都好耐冇人追啦，是但啦。」当阮兆祥指许多朋友都视陈滢是TVB最吸引的当家花旦，陈滢主动出击道：「咁你畀佢电话我啰！」单身一段时间的陈滢承认恨拍拖。陈滢最后笑称：「今次我好叻呀，拍《美丽战场》冇传绯闻。」不过随即被主持人朱菁寸爆「未传啫！」