剖析微辣商业版图｜起底十年发迹史，做YouTuber年收入达八位数?

【微辣商业版图｜经营YouTube频道起家年收入达八位数🔥获政府提供过百万补贴

】

YouTube频道「微辣Manner」由2013年创立至今，喺YouTube累积咗超过70万订阅，係澳门人气最高嘅YouTube Channel之一。但近日微辣前经理人阿晶因情绪病轻生，其前男友加葱（林茂发）及其他微辣成员分别因疑似强迫阿晶堕胎同欺凌阿晶而引起公愤😡。网民喺声讨微辣时起底公司背景，先发现原来微辣嘅商业版图早就扩张到港澳地区以外，创办人仲曾经喺访问中提到公司年收入达八位数！ 【由网上走向实体连餐饮业都有涉猎🍴拍一段片袋7位数💵】

陆志豪（六毫子）同李伟麟（Jacky）喺2013年成立「微辣Manner」团队，主打拍摄短片同综艺，随住channel越做越大、观众越来越多，旗下艺人身价都水涨船高，广告代言接到手软。有热心嘅连登网民整合咗同微辣艺人合作过嘅广告商名单，其中包括Chanel Beuaty、M·A·C、周大福等知名品牌💎。微辣亦喺港澳两地举办过舞台剧、栋笃笑表演，今年8月仲谂住喺麦花臣举办十周年联欢晚会🎪。 除咗赚广告同表演收入，微辣都尝试过进军饮食业，例如喺2018年主办微辣美食嘉年华同开设零食店辣记，之后又投入8位数，喺沙田开设同其综艺节目同名嘅餐厅「微辣大排档」。 咁多瓣数，到底微辣赚到几多钱？睇返微辣喺2018年接受传媒采访，当时佢哋一年嘅收入已经达8位数，广告就係佢哋主要嘅收入来源；加上佢哋嘅观众遍布粤港澳地区，所以有过半客源都係澳门以外嘅公司。喺另一次访问中，六毫子被问到「揾微辣拍一段商业短片要7位数🎥」嘅传闻，当时六毫子自称不掌握，但都冇否认到，吸金能力可见一斑。 【做YouTuber做到连政府都揾佢哋合作🤝仲获批大额补贴】

微辣慨影响力惊人，翻查过往数据，网民发现原来连政府部门都係佢哋嘅客户之一——喺2017年，香港警队曾经揾过微辣为警队制作一段防止罪案宣传片👮‍♂️。到咗2018年，六毫子更被澳门政府委任为新一届文化产业委员会委员，支持澳门政府发展文创产业。 不过最令人还震惊嘅，应该係微辣曾经获澳门特区政府「文化发展基金」提供过百万资助。文化发展基金网站数据显示，基金喺2017年就大湾区进驻计划（香港）向微辣文化有限公司发放3,051,897澳门元嘅项目补贴同批出3,000,000澳门元嘅免息贷款；同年又就「『微辣』网络影音制作及器材设备购买」发放904,573澳门元嘅补贴同2,000,000澳门元免息贷款。就算唔计免息贷款，两个项目嘅资助金额加埋都有差唔多400万澳门元💸。

【阿晶出事惹众怒网民呼吁抵制微辣合作品牌🈹】

阿晶出事之后，网民挖出大量证据指责加葱同其他微辣成员当初欺凌阿晶，将佢逼上绝路。有网民称事件为澳门版「黑暗荣耀」，呼吁其他人一齐取消订阅同抵制微辣。民情汹涌之下，微辣只能宣布十周年联欢晚会将会延期，直至另行通知，微辣官网都显示Error 404。 微辣陷入公关灾难，一班广告商都被拖落水🥶。网上流传一封署名为「一群爱护阿晶的朋友」嘅公开信，表示会抵制同微辣合作嘅品牌，直到微辣艺人被撤换为止。原本有份赞助十周年show嘅24/7 Fitness已经同微辣割席，喺IG宣布暂停赞助微辣十周年及相关宣传，24 STORAGE迷你仓都宣布停止同微辣旗下艺人阿丞嘅所有合作。虽然微辣众成员有各自喺唔同渠道响应阿晶嘅死讯，不过微辣官方至今只係出过一篇声明表达对「前员工」不幸离世嘅遗憾同哀恸，重申微辣冇恐吓过阿晶，以及宣布十周年show延期消息，但未有提及公司之后会有咩计划。 #微辣# #澳门# #YouTube# #KOL#