衛蘭透露不會擔任《聲夢》第二季導師

衛蘭早年曾與合唱馮允謙《家門》，可惜之後一直未有機會合作，不過早前二人宣布將在本月底合體開騷，令不少樂迷十分興奮。馮允謙透露歌單已差不多準備完成，但由於大家工作都十分忙碌，所以仍未有時間綵排，而衛蘭就透露由於有部分歌曲會重新改編，所以需時練習。提到同公司的陳蕾、洪嘉豪、MC(張天賦)亦於月底開騷，衛蘭都忍不住拍手叫好，並謂：「所有人都可以開騷，因為作為一個歌手，上台表演真係好重要，大家都想keep住多啲機會。」馮允謙表示去年市道較靜，但今年已經做了兩場騷，再加上與衛蘭的合作，所以十分開心，仲話「歌手係要喺台上發光。」

衛蘭出席護膚品牌活動，自言平日不太勤力護膚，除了每晚敷面膜，僅兩個月才做一次Facial，但也有透過運動及飲食方面排毒。

談到《聲夢傳奇》一班學員拍攝新劇《青春本我》，問到她可會參與？衛蘭表示：「今次未必得，因為年尾會出碟，呢排好忙錄歌，所以時間夾唔到，都幾可惜，我都好想試吓拍劇，希望下次有機會。（會唔會做《聲夢》第二季導師？）我都做唔到，呢排音樂方面工作實在太忙。」