赵增熹用演唱会飞与“青姐”胡孟青交换投资心得

日前赵增熹和歌手谭芷昀(Celine)出席恒生优越私人理财“Boundless Experience At Penthouse体验无限优越”为题举办主题盛宴，二人更在晚宴中合作表演《Stand By Me》、《爱是永恒》及《My Heart With Go On》多首名曲。赵增熹笑言自从担任比赛评判后，不时接拍广告，但仍未习惯见到“自己”：“其实都怕见到自己个样，好在早排都仲有口罩令可以遮住先，不过去到餐厅都会比人认得叫我『赵生』。”赵增熹就话拍广告后顺便开户口，靠专人打理血汗钱：“啲钱咁辛苦揾翻嚟，梗系揾人帮手看住啦！我试过想自己管理嘅，但后来发现都系交晒比专家搞好啲，依家都唔可以叫『上咗岸』，不过依家工作系我嘅梦想，好似依家想做教育，要啲收入去圆梦啰。”佢仲话很喜欢吃“刁钻”菜式，挑战自己的味蕾，亦会从味道中寻找灵感，不过早前忙于演唱会工作，唯有食饭盒顶档。

呢晚赵增熹除了表演外，更与观众分享理财心得，他笑言表演岗位最舒服，仲话今晚提议与谭芷昀合作演出：“其实我都系佢嘅Uncle，识咗佢十年啦！当年佢嘅唱功都劲到吓亲人，其实佢系我音乐制作嘅学生，所以我地不时都会合作同表演。近年都好多创作歌手，每位都想同佢地合作，好似『中学师弟』林家谦一齐玩吓都好，早前GiGi演唱会都知Edan有作歌，但凡系唱作人都埋嚟啊，都想有啲火花。”

呢晚资深股评人胡孟青亦为座上客，赵增熹笑言与对方不时见面，更用演唱会飞交换投资心得：“青姐就好钟意睇演唱会，所以一有骚就会叫我买，我就会问吓佢啲投资心得，不过有啲骚太爆我就爱莫能助，但早前GiGi个骚我有份做，先可以帮到佢买飞。」