留意翻，Talking部分如果有咩錯漏，原因可能有：

1、 林伯講嘢太細聲；

2、 梁嬸講嘢太快；

3、 我聾；

4、 我中文唔叻；

5、 我英文唔叻。

祝食用愉快。

SUMMER BLUES Day5~Zodiac Medley~

1：《難道喜歡處女座》（演唱：林家謙）

 

T：

你的指甲 相當潔淨

我很關注 瑣碎事情

以 X 光眼睛 把你靈魂望到

很透明

敏感的我 假裝冷靜

内心充滿 對未來 不確定

是否揀你 三千晚 循環驗証

仍然未決定

 

嫌的比愛的多 推比要的多

孤單一個 是這潔癖惹禍

凝望你離場

讓我很優雅 很優雅的折墮

明知想這麽多 姿勢這麽多

幸福 都分到不多

應該醒了吧

除非有人 煩都不怕我

 

我擔心到 三更半夜

絕色的我 接受臺光照射

缺點可會 遮不了 無權伴我

同遊在舞榭

 

嫌的比愛的多 推比要的多

孤單一個 是這潔癖惹禍

凝望你離場

讓我很優雅 很優雅的折墮

明知想這麽多 姿勢這麽多

幸福 都分到不多

單身一世吧

除非有人 煩都不怕我

 

情願似白羊 似獅子座

無謂纖細又 糾結像我

想找人呵呵

大眾偏說 尋求情人别揀我

（音樂停止）

S：

邊個要人呵呵啊~

邊個要人呵呵啊~

處女座係咪好麻煩呢

又要人氹，又要人錫

不過，大家中意咪得囖

 

2：《Don’t Text Him(Just Kiss Him)》（演唱：Serrini/林家謙（和音））

 

S：（搵緊林仔）

我睇唔到呀

你做乜匿埋呀~

T：（聽唔清）

 

S：

最愛你淺笑的臉

如眉頭和額角也在笑

讓我驚覺有看下去的需要

我卻怕這個需要

嚇怕精緻的你 沉默了

（T：很透明）

嚇得你 不再淺笑 不得了

 

我哪會不顧一切 膽小成問題 太弱了

是妄想 太過到盡處 是寂寥

我最愛感覺飄渺

如無從著地 又太累了

怕想到這裏哭了

多可笑 凝眸的一息間 不得了

 

S：Hello~點解你唔望我呀

點解你要望住我（聽唔清）

T：導演話唔好望你呀

S：係咩~好驚咁喎你

 

S：Look at me

 

我最怕一再想起 似天空清澈的你

又有哪個可比 悠然自得呼吸吞吐的你

似看破生死 靈魂共振似碰到太驚喜

若你依稀一皺眉 我在半空 降落何地

我最愛一再想起 細聲稱呼我的你

放肆跟我一起 連沉默光陰都可以很美

未當我知己 情願別心急這刻揭穿你

用最安好的距離 未會牽手的距離

凝視近在 前方的你

（outro）

S：可摸耳~今晚，今晚，今晚~~~俾我錫一啖

唔該，唔該俾我錫啖~

可摸耳~可摸耳~

T：不可以~不可以~不可以~

S：望上啲！

可摸耳~

唔該~家謙~家謙~家謙~錫啖！

 

【Talking】

 

S：Hi!Everyone.My name is Serrini!I’m just back from my trip.

Bonsoir!（唔識法文，有冇法文支援）

S：下？做乜嘢呀（T：做乜嘢呀你），我同你say hello咋。

T：係，香港嚟架呢度。

S：知唔知點解我要咁樣啊？因為我宜家其實呢如果我唔喺度呢，我就喺法國南部飲緊啲酒呀。

T：係咩？我以為係……咦？你好似啲茶具咁樣，你唔係茶壺咩今晚。你是個茶壺~

S：What?我聽唔……我中文唔係咁好~

T：嗯，唔緊要吖。我明咪……

S：頭先對唔住啊，勾咗你件衫，好似爛咗少少，不如除咗佢啦。

T：唔好……

S：你睇下要搵stylist整下……（T：喂你賠錢呀，你可以扣翻你嗰啲…）你睇下，我幫你除出嚟睇下先。

T：喂。

（睇肌肉環節）

S：嘩！喂？試下，整多次呀整多次呀，整多次呀！

T：頭先咪睇過囖。

S：嘩，咁，咁大隻嘅你。你放假又去練過呀？

T：關你咩事呀。

S：宜家……我哋又要講嘢喇。

T：講咁多…我都講咗五晚，冇嘢講。

S：做咩嗻，你好驚我咩宜家？

T：係呀，你啲茶具……

S：琴晚呢，我就一見到佢講完啲嘢之後呢，我今日就去咗佢嗰度，我就話“我原諒你呀”咁樣。跟住佢就話“我做咗啲咩呀”。（T：做咩呀我做咗啲咩呀）我話，我今晚…今日全部friend都收到notification呢，我M到囖。大家有冇收到呀？呢啲咁私人嘅問題呢，所以我就…但係我首先呢係（T：你同個風一樣），即係forgive咗你先。因為，即係大家都萍水相逢。

T：你做咩帶鼠尾草嚟。辟、辟（邪）……下？

S：嗯？我喊喇。

T：喊吖。你話你要喊啊嘛。……你嚟吖。

S：我唔記得帶眼藥水。我原本攝咗喺度。我唔記得咗（笑）。

S：啊Anyways呢個係一個講嘢嘅環節嚟加嘛。因為呢大家都覺得，林家謙呢，謙謙君子呀好有禮呀，好唔識得表達自己呀。Sorry!處女座佢只係，隱藏咗嘅嗻。但係佢平時呢就，好腹黑啦，好多嘢要諗啦，跟住…所以呢，我好多時候，有時，你知我哋做啲indie artist嗰啲呢（T：你indie嚟嘅咩）會有好多haters加嘛。即係譬如，又話“嘩，唱歌咁你都可以唱嘅”。err好似我頭先問佢一樣嘢就話：“哦~今日開唔開心啊？”跟住佢就話：“乜你冇睇自己嘅表現嘅咩，過去嗰幾日？”跟住我話：“咩表現啊！”佢就話：“你都幾叻架喎，唱到同CD咁唔似你都可以咁開心。”跟住呢，你知佢間房好靜架啦，咁我即刻望身邊嘅人求救啦，望住個化妝師0.0，髮型師0.0，其他人0.0，冇人救我架。所以…

T：好嘢嚟架，唱到CD咁做乜使乜嚟呢度聽啫。係咪先。

S：多謝你俾呢個機會我啊。

T：唔使客氣。

S：但係去到現時今日呢，我都係接觸唔到你呀。你成日都走嘅。

T：下？我哋，設定嚟加嘛。

S：即係個個嘉賓你都有攬啊，又拖手唱歌啊，又舞啊咁。你知唔知呢，搞到呢好似好唔friend咁。不過唔緊要架，林家謙嘅聲音呢係好溫柔到一個位呢，係我宜家見到啲hater對我嘅comment呢，我就自動將佢變咗做林家謙講。大家諗下自己日常生活中，隔離位個同事就話，“搏咩呀佢！”你用佢把聲試下諗一次。

T：搏咩呀。

S：咁就gur咗喇喎。所以你都係治愈系嘅。就好似，因為你係我fansclub會長……

T：即係我講咩都得啦係嘛？

S：係呀你講乜都得架。

T：嗯……呢度唔講。留翻後台講。

S：係，呢度唔講。我哋，依度公眾場合嚟架知唔知呀。

T：知。你間房都係公眾場合嚟架，你俾翻我呀！

S：What?咩呀？你冇亂講嘢啊，咩呀？

T：你間房我就嚟……（聽唔清）

S：嗱，我今日呢就嚟到呢度呢，每一日，唔係，過去咁多日啦。I mean 即係將來嘅野我唔知加嘛。（T：哎呀）咁……你，你綁鞋帶啦仔。咁呢我發覺我同好多小朋友，好多男明星一齊唱歌呢，都有依個，婚嫁嘅感覺。但係同佢唱歌呢，有家長教師會嘅感覺。都唔緊要嘅（笑），因為呢我知道佢係好中意我嘅音樂架，佢好多歌呢都話喺去廁所嘅時候會聽啦，我就好開心，因為呢個係你嘅生活嘅一部分啊嘛。係嘛？

T：係。佢係我身體一部分添。

S：我覺得呢個舞台呢，大家上到嚟呢就會變咗做突然間講嘢好，好古怪呀。你覺唔覺得你好古怪呀？

T：你嘅存在都…唔差吖。

S：咁不如唱一首你好中意嘅歌俾你聽囖。你成日揖揖揚揚喺度post ig story，又要個角落頭又要有我個歌名。

T：咁啱你喺度，成日都喺度老是常出現。

T：你成日買通曬，買通曬人哋啲音樂平台啲banner啊，喺度逼人哋擺你啲banner（疊聲）。

S：因為呢我覺得一個處女座呢好大壓力嘅時候呢，絕對呢就係一定要特登喺度聽我首歌啦，就係喺度搏我留意到佢喎（疊聲）。咁我真係留意到佢喎，我仲要喺去緊旅行嘅時候返咗嚟呀。

T：你係點都要返嚟，你係點都要返嚟架。

S：唔係囖！我可以，其實我已經喺度飲緊嘢架宜家。

T：你宜家都可以喺下面飲緊嘢架你知唔知呀！

S：Which I did! But 我哋（T：唱歌啦），唔識唱嘅一齊唱吓。呢個係個cue嚟。《樹木真美》呀。

 

3：《樹木真美》（演唱：Serrini/林家謙（和音））

 

S：

從何時講起？ 那個偏執的我 那樣傻

良朋愛護我 也開解不了 似潛艇的我

常言rumination 要不得 要看開的我

很怪 狂野點火姿態 自我折墮

 

何時哭_左 靠高歌尖叫 calm down我

從無冷靜過 靠揮金 捐錢 有無幫助

曾憤怒放任痛楚 依然覺得很錯

So I paid the therapist 陪我紓解情緒很多課

 

小姐一生幾多風波 幾多荊棘 幾多險阻

風雨裡 勇敢嘅真美 又提升左

真美醒了麼 普宇宙試煉我

煩惱不再傷你 愛真美的結果 浪漫更多

 

S：林伯~

T：點啊茶壺？

S：你愛唔愛真美呀~

T：我好中意飲茶架。

 

CPTSD添加啲OCD 腦海出血 沒有止

誰太需要愛 就通處碰壁 垃圾人 trauma-dy

誰過分要自信 假表情太過刻意

青春故事 無數不堪回顧的不智

 

小姐一生幾多風波 幾多辛酸 幾多淒楚

心裡一切 最悲痛之際 突然清楚

真美醒了麼 許個願接受我

煩惱不再傷你 愛真美的結果

 

呵～

 

愛錯了犯錯

最壞角色 惡意接近我

懼怕的 更壞事情 憤怒事情嫌多

Inner peace is all about what’s inside of you

This real you now is coming through

以後以後 我就盡情 越活越惹禍 是我

 

真妹一生不必心多 真妹一生幾多風波

只要信 啊真美真美 就能經過

想要的太多（T：woo~~~~） 一生霎眼就過

仍要心裡緊記 那真美的最初

還是那個 最趣緻的我

 

（Mami佯裝要抱林仔）

T：冇呢part架。

S：（笑）

T：（扮Mami笑）

 

【Talking】

 

S： 唔得啊，我睇咗好多觀眾嘅comment呢話，你喺我隔離呢就冇左嗰個偶像包袱啊，點解嘅？

T：不嬲都冇架喎。有咩？

S：你好有架喎。

T：冇喎。

S：你琴日明明眼神好閃縮架，點解今日，望住我隻眼嘅？

T：（睇下）你戴咗啲咩顏色con啊嘛。

S：哦~你又妒忌我嘅贊助商下嘛。

T：唔係呀。我有眼鏡。

S：我宜家有人send牙刷頭俾我喎。

T：咁咪好囖。咁你可以刷乾淨你嗰日嗰啲污糟牙囖（笑）。

S：你唔好掂我啊！

T：邊有掂你啊，我掂空氣嗻嘛。

S：Okay.其實我同佢真係唔係好friend架咋，我哋所有嘢都喺台上講架。

T：係呀。（S：差唔多啦。）我有你電話咩？我冇你電話喎。

S：有啲……如果你講咗我就會出律師信俾我（你）。不過我都好多謝林家謙呢，我好希望佢可以教到香港呢，更加多嘅男仔呢，會有呢err即係尊重女性啦，同埋呢所有嘢都有consent啦，唔會無啦啦呢……

T：嗯。你想點呀？

S：唔會呢，無啦啦呢就err唔尊重人哋嘅意願啦。同埋真係一個好好嘅聆聽者啊係咪呀？

T：嗯，係呀。

S：可唔可以錫啖啊？

T：不可以。

S：（笑）我會尊重你嘅意見架。（T：多謝。）咁我唔錫你一啖啦。咁我地繞場一周好冇啊？因為呢我頭先喺下面見到你呢hello觀眾嘅時候就（扮林仔敷衍hello）咁樣喎。我地試下好歡欣咁樣hi下佢哋吖。

 

4：《長期浪漫》（演唱：Serrini/林家謙）

 

（intro）

S：因為呢，宜家佢見到我呢佢喊唔出架喇。係咪呀，好開心呀見到林…梁姑娘啊。

T：Hi~

S：《長期浪漫》。

 

S：

講清楚 先可以再見

繼續約會 錯亂結局 太急著浮現

驚險 你知唔知我係咩人先？

（T：唔係好人）

可不可 先不要中箭

跌落禁地 怪就怪在 我走在前面

繼續放任 我的天 （hey）

 

合：

長期 防範 未脫險

講出去 講到我奔波的那天

就怕浪漫變期待 換你三個字

是你 是我 路過 沿路多驚險

 

S：

愛するより 愛されたい

本音を聞かせて ちょっとだけちょうだい

 

合：

長期 防範 沒有終點

忍不到 等到 我出手的那天

若太浪漫你逃避（T：我要逃避）要跑掉

剩我（T：剩我） 獨個（T：獨個） 獨個

 

但我 無視 扮到 不經意

等幾次 等到你想通的那天

用最大耐性期待 你再出現

盪失到最後才能明白愛

陪我新開始 （T：陪我新開始~）

（outro）

T：做乜要……宜家唔係旋轉with me緊喎。

 

S：林伯~你偶像啊，錫啖啦。（被拖走）

 

（二人從樓梯離場）

——————————

封面/頭圖來源：ig yitungsnap