吴若希公然大胆数臭「TVB做嘢系冇钱兼要倒贴」

入行12年嘅#吴若希#（#Jinny#）将于周日（11日）举行首个个人#演唱会#，近日佢接受#艾力网#上节目《#Have a nice Date#》访问，贯彻敢言性格嘅佢喺节目中竟然数臭TVB做嘢冇钱赚，兼回应当年疑似耻笑菊梓乔夺「#最受欢迎女歌星#」一事。

当年有一个#低碳农场##Facebook#专页喺未经吴若希同意下上载佢嘅照片，不过就引起#吴若希#不满，并要求将相片删除。艾力问及件事时，吴若希就话自己唔介意普通市民私底下揾佢影相，只系认为该农场唔尊重佢：「𠮶张相唔系净系得我一个人呀嘛，𠮶张相系我同我朋友嘅合照，佢喺张合照入面cap出嚟嘅相，重点系我自己俾钱带我小朋友去，因为𠮶日系我个女生日，我自己俾钱走入去玩㗎㖞，呢个绝对尊重问题，你唔尊重我我唔会想我个样喺你个page出现。 」

艾力问佢「你系咪真系冇怪过TVB冇俾「最受欢迎女歌星」？，吴若希秒速回答话：「冇㖞！完全唔care」。之后，艾力追问佢点解当时耻笑菊梓乔攞奖，佢就话：「好彩唔系我攞咋，开心嘅原因唔系因为佢攞，而系因为真系唔好系我攞呀。边个攞都不是重点，只要唔系我攞就得啦！」佢再话自己试过攞一啲比较大嘅奖项，所以佢知道攞奖后嘅压力，我唱歌系为咗开心，如果攞完奖反而唱歌唔开心，咁我攞嚟做咩？」佢表示自己做嘢系为咗开心，并数臭TVB话：「你估喺TVB做嘢系为钱咩？全世界都知道TVB做嘢系冇钱㗎啦！仲要倒贴！」 喺讲完呢番说话之后，艾力即刻好戥佢担心，惊影片出街后Jinny就会被雪藏，不过吴若希就搞笑话今次演唱会系「吴若希告别演唱会」。