繁星

巴金

（广州话朗诵：繆燕飞）

视频链接

广州话朗诵稿-->（粉红色的大写字是广州话相对于普通话的特殊用法和写法）

    我爱月夜，但我亦爱星天。以前喺家乡七八月嘅夜晚，喺庭院里头唞凉嘅時侯，我最钟意睇天上边密密麻麻嘅繁星。

      望住星天，我就會乜嘢都唔记得嗮，好似返到咗母亲嘅怀抱里边噉。三年前，我喺南京住噶间屋有一道后门，晚黑，我一推开道门就睇见一个静寂嘅夜。下边係一片菜园，上边係群星密布嘅蓝天。星光喺我肉眼睇嚟虽然係好微弱，但係佢却使我觉得光明係无处不在嘅。噶个时间，我自己读紧一啲关于天文学嘅书，亦识得咗分辨一啲星星。佢哋就好似係我嘅朋友噉，仲會经常同我倾计添。

      如今，喺海上边嘅邮轮道，每晚都同繁星相对，我对佢哋好熟悉啦。我瞓喺舱面道，仰望住天空，深蓝色嘅天上边，挂住无数半明半暗嘅星。船喺道喐，星亦喺道喐，佢哋显得好低好低，真係摇摇欲坠呀。我双眼慢慢模糊咗啦，我好似睇见无数嘅萤火虫喺我周围飞舞。海上嘅夜係柔和嘅，係静寂嘅，係梦幻嘅。我望住好多噶啲我认得嘅星，我好似睇见佢哋同我眨眼，我又好似听到佢哋细细声噉同我讲嘢。哩个時侯，我乜嘢都唔记得嗮啦，喺星嘅怀抱里边，我微笑住，我沉睡住，我觉得自己係一个细路仔，而家正瞓喺母亲嘅怀抱里头。

视频链接