出任TVB副總經理自評50分 曾志偉：要參考友台Viutv點解節目做得咁平
電視廣播（0511）上半年業績報告中的摘要中表示，為加強綜藝節目製作實力，已委任兩位著名資深演藝人曾志偉及王祖藍加入高級管理層。
今次是曾志偉出任副總經理（綜藝、音樂製作及節目）後首次出席業績發布會，被問到對自己上任後的評分，他自評「50分啦」，主要是上任至今仍然未看見顯著成績。
曾志偉指，TVB在節目模式方面會嘗試多元化，目前仍然在摸索市場。又指會重點發展選秀節目，例如「星夢」集合各界人才，藉TVB擁有全球最大廣東話市場，銳意成為「世界選拔總部」。根據業績電視廣播（0511）收入微升2％至近12.5億，廣告收入增加31％，但係上半年仍然出現虧損2億8400萬元。對比上年同期蝕2億9300萬元，即志偉上任後蝕少900萬。業績公布提到上半年「成功打造多個受歡迎綜藝節目」，仲話「《好聲好戲》及《識貨》亦在平日較晚的黃金時段錄得不俗的收視」。亦有不少篇幅提及《聲夢傳奇》，形容「在比賽期間全城矚目，吸引了一批年輕觀眾群收看」、「節目結束後仍有大批觀眾追蹤其社交媒體動態」。
主席許濤補充，在投放內容製作時「絕不手軟」，積極創造歌星、明星，認為自家製作的IP有長遠價值，不少經典IP至今仍然帶來收益，「正如每日都有人想翻拍上海灘」。
對於友台節目影響力席捲香港，TVB會否參考其節目製作，曾志偉回應指，TVB有別於其他電視台，一直以普羅家庭觀眾的對象為主，由八個月至88歲都是目標觀眾，節目題材不宜太偏鋒。曾志偉強調， TVB節目要有界線，「都係果句，唔好教壞細路」。
不過，曾志偉認為最需要向友台學習的地方是，「點解可以咁平做一個節目」，他直言香港小姐等節目需要投放不少金錢。曾志偉認為翡翠台會繼續製作主流節目，新嘗試則放在J2，明珠台亦會製作自家節目。他笑言，主席對他說「唔使節流，開源啦！」志偉笑言最有興趣是參考對方「點樣可以咁平拍節目都會有人睇。」坦言香港小姐競選、及《星夢》系列，需要投放不少金錢添置新器材、燈光及建舞台做大製作。
由演藝走向行政，對於曾志偉屬新嘗試，而他亦表示會為TVB帶來更多新題材。以往無綫電視以「一至五」的橫線節目播放，未來或會改以「一至三/四至五」的直線播放。
「以前喺上海一日飛三個地方，舟車勞頓好有生產力咁，而家日日坐office，好似好無生產力咁。」如果膚淺一點來看，王祖藍曾在一場4小時的帶貨直播創下2280萬人民幣成交金額（觀看人次890萬），生產力是極高。如果理性一點來看，回歸無綫兩個多月，交出9個全新的綜藝節目，同時帶來余安安、 Eric Kwok、「傻姑」陳安瑩等人，令觀眾周未不再《流行經典50年》或陳年演唱會，這又何嘗不是生產力呢?
有錢唔賺皆因pat pat癢?
談及曾志偉，祖藍坦言與對方經常意見不一，但大家都會攤晒出嚟講。「我待人處事唔夠佢好，佢同大人物傾嘢時好識規舉，而我係好易得罪人。同埋佢睇宏觀，每場仗點打都會諗得好仔細，而我未必留意到。」受近年的社會運動影響，港人對無綫觀感每下愈況，難怪祖藍返新工前已預料到吃力不討好，雖然沒有如果，但假如將返娘家時間再推早一點，情況會否好一點？身為基督徙的祖藍笑言神從來沒有向他作出指引，一切皆是「pat pat癢」，他說：「無遲無早，早兩年我都未識電商啦。而家唔能夠改變大環境，只可以改變自己，出面係點某程度上已成定局，所以第一件事係團結、士氣同待遇，呢啲都係需要時間，再嚟就係製作水平。」
「如果我同曾志偉意見永遠一樣咁就有如國王的新衣，我哋有咩都會坦坦白白拎出嚟講，同埋分工好清楚。」
改革浪接浪
要提升製作水平，除了知人善用，改革亦是必須的，祖藍說:「大家比啲時間我，我真係坐咗兩個月，迫得啲員工好慘。我將呢兩個月嘅觀察整合之後，奧運之後改革，而再下一波會係台慶之後。」比起國內的電視行業發展，一個節目隨時有十億廣告，香港無疑落後很多，這亦是改革的阻力一。「其實真係無得同內地比，因為想有資源時，廣告條例又唔放寬，再加上近年一啲網絡欺淩，情況就係你唔比廣告我，但又要鬧我啲節目唔好睇，咁想我點做？唯有係進步，但進步都要成本，以音樂節目為例，mixing係錢、band係錢，要改善剪接，買部好啲嘅電腦，十台八台又係錢。」
成功與成功與3大唱片公司破冰後，《勁歌金曲》最先進行改革，但祖藍認為仍有進步的空間，預計會再有下一波改革。
重奪主導權?
友台的音樂節目《Chill Club》用兩年時間做出口碑，獲不少行內人士讚賞，反觀有40年歷史的《勁歌金曲》近年不時成為笑柄，身為高層又有何看法?「呢個係良性競爭，你唔做我咪去做囉，我仲要投放資源去做。所以呢個時候我哋都應該攞返主導權，自己都要做返好，唔好太被動，被人話先做。呢兩個月觀察咗《勁歌》我都想改，想做到歌手、觀眾、聽眾都好享受，因為呢個係個音樂節目，係好應該去享受。正如你聽《戀愛預告》、《沒有你還是愛你》覺得係享受，但可唔可以每個音樂節目水平都唔好差太遠呢？咁所以要改。」
